Bandièra01 1180x150: Comuna de Tolosa

Actualitats

Concors de Calendas de Jornalet

Cossí se passan Calendas en cò vòstre?

Jornalet lança un còp de mai lo concors de Calendas —de Nadal e del Cap d’An—. Pendent aqueste mes de decembre, e fins al 6 de genièr, lançam tornarmai l’operacion. Mandatz-nos las fotografias sul tèma de Nadal, del cap d’An o en general de Calendas en cò vòstre. E ansin participaretz al concors.
 
Podètz mandar d’imatges del vòstre presep o presepi o betlèm o grépia, de la vòstra soca de Nadal o cachafuòc, de la decoracion de l’ostal, de la taula plena de mangisca del país, dels tretze dessèrts, etc.
 
Publicarem los vòstres imatges regularament e aital totes poirem veire coma vivon las fèstas los autres amics del jornal. Lo retorn del concors de 2012 foguèt subrebèl.
 
Lo ganhant del concors recebrà un lòt de produches per gentilesa de Macarèl!

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article