Bandièra01 1180x150: Comuna de Tolosa

editorial

“S’an pas de pan, que mangen de fogasset”

Sembla que los govèrns occidentals preferisson de consagrar los investiments a la repression
Sembla que los govèrns occidentals preferisson de consagrar los investiments a la repression | fudowakira0

Darrièrament, avèm observat un aument de la pèrda de poder de crompa dins fòrça païses, qu’es arribada una tendéncia inflacionista qu’a afectat las economias de faiçon globala. Aiçò a portat a un aument dels prèses que crèa de dificultats a fòrça ciutadans. E totun, al mièg d'aquesta situacion economica desfavorabla, avèm vist tanben un aument del budget militar e policièr pertot, çò que nos pausa qualques questions sus las prioritats dels govèrns.

La pèrda de poder de crompa, l'inflacion e l'aument dels budgèts militar e policièr son de questions que pertòcan la societat en general e requerisson una reflexion prigonda de las autoritats. Nos pensam que seriá important que considerèsson prioritari lo benèsser economic del pòble e qu’estudièsson se vertadièrament lo budget per las fòrças armadas es equilibrat a respècte dels besonhs socials. Totun, sembla que los govèrns occidentals an fach lor causida: preferisson de consagrar los investiments a la repression.

Lo budget de l’estat francés per l’an 2023 demòstra que la seguretat es una prioritat del govèrn. Lo Ministèri de l'Interior n’es lo beneficiari màger e la polícia de l’estat n’es la primièra receptritz. Nos agradariá de saber quines son los estalvis que representan per l’estat la reforma de las retiradas e quinas son, en comparason, las despensas en policièrs, en gendarmas, en municions antisusmauta o en servicis de santat que devon sonhar d’uèlhs o de mans tocadas per las balas LDB.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article