Bandièra01 1180x150: Comuna de Tolosa

entrevista

«Provença es pas una region mas un país a ela tota soleta»

Passejaire youtuber

| The Bushcraft Spiritual

Ai benlèu rescontrat una o doai personas que parlavan aquela lenga, mas es tot. E fòrça sovent d’expressions que ressòrton au bèu mitan de discussion o de situacions Va faler, penso e a un moment donat, tornar a una maniera de pensar e de far fòrça mai respectuoa e responsabla envèrs la natura e l’univèrs Aquò es sonque en nosautres, en se comportant coma èstres umans que se farà créisser l’umanitat. Es en se chamjant nosautres que s’arribarà de chamjar lo Mond


Nascut en 1989 a Grassa e crescut a Mealhas (País d’Anòt), Adrien Aubert comencèt un percors esperital en 2008. A comptar d’alavetz la relaxacion, la meditacion, lo iòga, los suènhs energetics fan partida de sa vida. Dempuèi 2015 se consagra a sa cadena YouTube The Bushcraft Spiritual ont presenta de bivacs, passejadas, vesitas e estudis de luòcs insolits dels Alps de Provença. Parla amb Laurenç Revèst.

 

 

 


D’ont ven l’interès per la region que percorrètz? Lei montanhas alpenchas, lei sendas divèrsas...?
 
Despuei l’enfança, sio totjorn estach fòrça curiós de mon environament e de la natura en generau. Me sio totjorn pauvat fòrça questions. L’interès principal per ma region es arribat au mesme moment qu’ai abandonat la vila en 2015 per tornar dins leis Aups d’Auta Provença, dins la region de meis ancians. Avio un besonh fòl de natura, d’aventura e d’exploracion a aqueu periòde. Un besonh polerós de reconnexion amb l’essenciau. Me sio mes intensament dins la passeaa, lei bivacs, partent de còps que i a de jorns e de nuechs entieras solet. Un jorn, sio anat a l’estonanta e enigmatica piramida de Falicon sus lei puegs niçards e ailà, quauqua ren en ieu s’es activat…
 
 
Qu’es vòstra vision sus leis especificitats de la region que parlatz dins lei vidèos entre lei departaments deis Aups d’Auta Provença, leis Aups Maritims e lo departament de Var?
 
Lo liame entre toteis aqueleis especificitats es fòrt e extrèmament subtil. Au començament, es coma una enquèsta: se cèrcha d’indicis, se recòlta de donaas, sovent, aquò mena en ges d’endrech e de còps que i a, una pista s’afirma. L’ensemble rèsta trébol, dificil de tochar. Puei, sio anat vesitar d’autrei luecs, en liame mai o mens estrech amb lo precedent e ailà encara, se pòu passar de cauvas. Es un immens copacap au quau se ven apondre chasca pichona pèça, l’una après l’autra, per formar au bot d’un cèrt temps quauqua ren de perceptible, e mai s’avèm pas de nom de li metre concretament.
 
Provença es una region increïbla qu’assosta l’ensemble de l’istòria de l’umanitat presenta en aquelei luecs despuei totjorn. De taulas de pèiras e de pèiras levaas dau departament de Var que remontan a mai d’un milier d’ans fins ai nombroses vestigis romans eschampilhats un pauc d’en pertot, sensa obliar lei templiers, fòrça presents dins la region de Verdon, entre tant. Tot aquò es acompanhat de legendas e de mistèris en tot genre: de coneissença e de connexion de nòstra planeta fins ai mai estranhs fenomèns observats, dau paranormau fins au subjècte deis ovnis, per citar sonque elei. Es tot aqueu mariatge de subjèctes, aparentament sensa liame, que permete d’aver una vision mai globala e un regard mai ponchut per una melhora apreension e compreneson dei cauvas.
 
 
Qu’es la motivacion de la creacion d’aquesto mèdia?
 
 Ma chaena youtube The Bushcraft Spiritual es apareissua un pauc per “azard”. Avio de besonh d’un supòrt per aculhir de vidèos personals virats devèrs la natura e nòstre liame estrech amb ela. Sus lo net, pas de risc de pèrda de donaas. Mas sabio pas ges ont anava me menar aquela chaena, ni ce que m’anava reservar...
 
 
Que impactes d’aquelas observacions?
 
Lei retorns son extrèmament positius. Remarco que fòrça personas son en resson amb lo messatge e l’energia que transmeto a travèrs de mei vidèos. Recebo totplen de messatges, que li pòlo pas respòndre a totei, mas son totjorn de messatges de merceament, d’encoratjament o de benvelhança. Penso qu’aquò fa s’eschapar lei gents qu’an un besonh d’evasion en aqueu periòde de l’istòria. Ai poscut rescontrar fisicament d’abonats e ai de projèctes per elei.
 
 
I es un liame entre aqueu territòri, sa lenga, sa cultura, son mòde de vida?
 
De segur! Vòlo dire qu’aquò se ressente dins chasque canton de Provença! Ja, Provença es una region magnifica: lei territòris son tan polits coma variats, amb quasi sistematicament de legendas e de mistèris que li son restachats de pròche o de luenh. Ai costuma de dire: “Provença es pas una region mas un país a ela tota soleta!”. E es verai: i a qu’a l’explorar per se n’avisar vertadierament. E chasque canton a son aura particulara: que se sigue dins la Vau dei Meravilhas dins Mercantor, o au còl de Vença, leis atipicas tèrras rojas devèrs Valberg, lei surprenents gres d’Anòt, lei bauç dau Verdon, leis aspics de Valençòla fins a la cripta de la chapèla de Dromon a Teopòlis... Ne’n passo talament. M’excuso per toteis aquelei que cito pas, la lista es sensa fin. Chasque luec en superfícia vibra sus sa frequéncia pròpria, en liame amb leis energias telluricas que raian dei pregondors de la Tèrra.
 
 
Avètz un rapòrt personal amb la lenga occitana?
 
Malastrosament non. Parlo pas aquela lenga, conoisso sonque quauquei mots. M’auriá agradat de parlar lo vivaroaupenc, sabo que li son de cors que son donats a Anòt mas me concentro sus d’autras cauvas.
 
 
I son encara de gents que parlan occitan a l’entorn?
 
Ai auvit l’aupenc, lo provençau e lo niçard, creo, despuei que sio en atge de comprene lei mots. Mas pòlo pas dire que leis auvo parlar correntament a mon entorn despuei totjorn. Ai benlèu rescontrat una o doai personas que parlavan aquela lenga, mas es tot. E fòrça sovent d’expressions que ressòrton au bèu mitan de discussion o de situacions. Se lança quauqua ren en patois e segon lo ton e l’entonacion, quauqua ren de comic se n’eschapa. Son sovent d’expressions que ressòrton e sistematicament lei mesmas! A nòstra epòca, aquelei lengas son en dificultat, ce que rancuro sincèrament.
 
 
Ont es difusat vòstre libre?
 
Mon libre Mistèris e Tresaurs en Provença es disponible via l’adreiça mail thebushcraftspiritual@gmail...  que leis interessats recebon a la demanda per e-mail e en me pagant, via mon numèro de còmpte, la soma que fixan de per elei.
 
 
D’autres projèctes?
 
Òc, en tota exclusivitat, una chaena segondària va èstre cocreaa amb mon cosin e un segond libre deuriá sortir avans la fin de l’annaa. Lei subjèctes principaus concerniràn l’Auta Metafisica, tot ce qu’enauta de domeni de la Consciéncia. Aquela chaena e aqueu libre seràn fòrça mai intims e esperitaus que tot ce qu’es estat fach fins aüra.
 
D’estagis d’una jornaa, benlèu mai, son egalament d’actualitat per favorizar lei rechampaments e leis eschambis.
 
 
De reflexions sus l’ actualitat?
 
Ce que pòlo dire, es que nòstra planeta travèrsa actualament de gròssas variacions energeticas qu’influéncian de pròche o de luenh tot ce que s’i tròba en superfícia, dins lo cèu e sota nòstres pès. Lei personas connectaas a elei ressenton aquelei chamjaments. La Tèrra es en plena fasa d’evolucion e inconscientament, aquelei chamjaments son perceptibles e nos menan naturalament a aprene e a créisser. Aquela societat va desaparéisser dins gaire, e amb ela tot ce que representa, perque es pas mai que la representacion d’un periòde ja escorregut. L’umanitat va rescontrar de grandas cauvas fòrça lèu e la matriça artificiala instaurada va laissar pauc a cha pauc la plaça a una matriça cosmica per menar l’òme devèrs son objectiu, e non devèrs l’esclavatge. Liberar son esperit es lo grand enjuec de nòstre temps. Lei pandemias mondialas, lei guèrras entre blòcs, lei crisis financieras, etc., son sonque per mascar una veritat de mai en mai flagranta e qu’es desenant plus possibla de contenir.
 
 
L’avenir ecologic e nòstre rapòrt a la tèrra d’aquí? Que polèm far amb ce qu’avèm aquí a disposicion?
 
La connexion amb la natura es primordiala, qu’es nòstra Maire. Ansin coma la connexion amb nosautres. S’emancipar mentalament e fisicament d’aquela societat va permetre la començança de minilocalitats, d’ecovilatges o de comunautats que permetràn una forma d’autosufisença que solet, tot es mai dur! Chascun metrà son saber-far per lo ben de totei. E aduirà quauqua ren. Tornar metre lei mans dins la tèrra es important mas fau pas creire: un òrt non garentisse de l’autonomia alimentària. Aquò es sonque una solucion a far fusionar entre d’autras. Que s’una annaa, plòu pas, auretz bèla far tot ce qu’es umanament possible, sensa aiga, pas de recòlta. Sensa parlar de l’elevatge e dau rèsta... Dins nòstras regions sechas, tot ce que demanda pauc d’aiga serà prioritari. Leguminoas, faiòus, lentilhas, céers...  Benlèu que lei vièlhs beals chavats per nòstres ancians seràn remeses a contribucion. Lo trabalh amb l’entreajua d’animaus egalament.
 
La planeta conoisse d’importants chamjaments climatics. Lei secharesas e lei desreglaments van èstre de mai en mai nombroses e de mai en mai fòrts en intensitat dins leis annaas a venir. Va, de tota maniera, faler s’adaptar a aqueu nòu mòde de vida qu’es ja ailàs una realitat. Va faler, penso e a un moment donat, tornar a una maniera de pensar e de far fòrça mai respectuoa e responsabla envèrs la natura e l’univèrs. Fau que tot lo mond comprengue malgrat que la vida instauraa per aquela societat arribe a son tèrme. Qu’aquel confòrt e aquela pseudoabondància son sonque illusion momentanèa. Que tot aquò va desaparéisser. Ce que me laissa pensamentós, es que fòrça  personas i son talament estachaas que sabo pas ce que lor restarà vertadierament quora aquò va arribar. Dirio que fau pas èstre dins la paur. Aquò es sonque en nautres, en se comportant coma èstres umans que se farà créisser l’umanitat. Es en se chamjant nautres que s’arribarà de chamjar lo Mond. Siam pas dins la paur, siam dins l’amor. E tot lo rèsta seguirà...



Laurenç Revèst



abonar los amics de Jornalet

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
5.

— Ce que pòlo dire, es que nòstra planeta travèrsa actualament de gròssas variacions energeticas…
— A, ee sabes plan que l'energia es una grandor (mesurabla per totes mercés a un equipament ad hoc) qu'avalora la capacitat d'un sistèmi a modificar un estat, a produïre un trabalh, trabalh entrainant un movement, un dradalhament electromagnetic, o ben de calor. De quant de Joules estimas (après mesura fisicas reigorosas, aquelas "gròssas variaciosn energiticas" ?

— Aquelas gròssas variacions energeticas influéncian de pròche o de luenh tot ce que s’i tròba en superfícia, dins lo cèu e sota nòstres pès.
— A ? Te fan dardalhar electromagneticament ? Aquò te deu far de calcicas, non ? Se parlas de la calor que monta en mejana, es pas la pena d'èsser connectat a qué que siá per se'n mainar : bastar d'anar pels camps a 39°C a l'ombra…

— Lei personas connectaas a elei ressenton aquelei chamjaments.
— Los autres, non, plan segur. E tu, imagini qu'ès connectat, plan segur. E donc per ne saber qué que si´Æn de tas variaciosn nos dev!èm fisar a ta messa coma los qu'an pázur de l'inquisicion a la messa del curat que se que non te fotrà sus un brutlador ?

— La Tèrra es en plena fasa d’evolucion e inconscientament, aquelei chamjaments son perceptibles e nos menan naturalament a aprene e a créisser.
— Se los percebem, ne sèm conscients. Se non los percebèm, non ne sèm conscients, caldriá saber, non ? Aqueles cambiament te menan a créisser ? De quina nautor as grandit ? Se vòles créisser en esperit, bastar d'amar e de legir : non es besonh d'èsser connectat a qué que siá…

— La connexion amb la natura es primordiala, qu’es nòstra Maire.
— A òc… E, as un Paire, benlèu ?

— Ansin coma la connexion amb nosautres.
— Vòles dire, gaitar lo que te parlar mailèu que de badar un ecran de telefonet, d'ordinator o de television ?

— S’emancipar mentalament e fisicament d’aquela societat va permetre la començança de minilocalitats, d’ecovilatges o de comunautats que permetràn una forma d’autosufisença que solet, tot es mai dur! Chascun metrà son saber-far per lo ben de totei. E aduirà quauqua ren.
— E donc, vòles rompre amb la revolucion industriala e sas divèrsas consequéncias, per tornar a l'autarcia tradicionala de la primièra mitat de l'Edat Mejana ?

— Fau que tot lo mond comprengue malgrat que la vida instauraa per aquela societat arribe a son tèrme. Qu’aquel confòrt e aquela pseudoabondància son sonque illusion momentanèa. Que tot aquò va desaparéisser.
— Parlas coma Macron ! Mas benlèu pas per defendre l'interès dels accionaris de l'energia (mesurabla aquela…). Supausi que çò que ne parlas, es de la mòrt de las civilizacions. Res de nòu jol solelh !

— I es un liame entre aqueu territòri, sa lenga, sa cultura, son mòde de vida : vòlo dire qu’aquò se ressente dins chasque canton de Provença!
— E donc, tre que fas un pas cap a çò qu'imaginan èsser Lengadòc, o Auvèrnha, per exemple, aquò quita subte de se ressentir ? E ben, tos vesins mancan plan d'astre…

— Ja, Provença es una region magnifica !
— E òc, coma cadun o sap, las autras partidas d'Occitania, d'Italia e de Catalonha son minablas e rebutantas coma la rèsta del mond…

— Lei territòris son tan polits coma variats, amb quasi sistematicament de legendas e de mistèris que li son restachats de pròche o de luenh.
— Mentre qu'a costat, tre qu'arribas a Lunèl, per exemple, o a Niça, las gents jamai non a pas agut res de se contar ni de creire ?

— E chasque canton a son aura particulara: que se sigue dins la Vau dei Meravilhas dins Mercantor, o au còl de Vença, leis atipicas tèrras rojas devèrs Valberg, lei surprenents gres d’Anòt, lei bauç dau Verdon, leis aspics de Valençòla fins a la cripta de la chapèla de Dromon a Teopòlis... Ne’n passo talament.
— A òc ? vertat es : las vals d'Arièja, de Pica, de Garona, de Salat, de Nesta, d'Aura, de Lavedan d'Aspe, d'Aussau, de Baretons, son de desèrts culturals ? Las val de Dordonha, d'Òlt, de Vinhana, d'Avairon de Viaur o de Tarn, son de planas d'agricultura extensivas claufidas e comolas d'OGM e de pesticids, desertadas de tot imaginari ?

Un tescut de parladissas sense fondamenta ni cap belugueta de racionalitat…

  • 6
  • 0
Lo Sindicat (mas pas a la CFDT) Limòtges
4.

#3 E òc! Avetz rason! Los sindicats a la CDFT son benleu pieger que los parisians :-D

  • 2
  • 5
Emmanuèl Isopet
3.

A ieu, las espiritualitats ecologistas, coma disètz, an pas gaire de consequéncias sus mon cagar (amb o sens U). E, per demorar dins lo camp lexical causit, m'enmerdan mens que plan d'autras causas. Mas compreni qu'aquesta entrevista vos trebolèt bravament e qu'aviatz besonh d'o escriure. Nos voldretz benlèu esclairar sus qual es aquel "sèm" (vos e ...) e sus la significacion d'aquesta punta de prejutjat, o d'etnotipe (benlèu de racisme?): nos cal replaçar "parisians" per "nècis" "rics" "franceses" "polits" "intelligents" "ocupats" "garrèls" "religioses" "sindicats a la CFDT" "cons"?...

  • 18
  • 23
Walter d\'Auvèrnha Montferrand
2.

Miladiu enquèra las espiritualitats "ecologicas" quo me fai caguar, l'ecologisme son de las chausas seriósas, la lum de l'ecologisme quo-es la sciènça, pas la creisança. Chau 'rrestar queste cagador d'espiritualitats e de New Age. Sèm pas daus parisians.

  • 39
  • 4

Escriu un comentari sus aqueste article