CAPÇALERA2: AMICS DE JORNALET

Jornalet, gaseta occitana d'informacions

Divendres, 28 de julhet

Entrevistas

Divendres, 14 d'abril de 2017, 03h00

“Ai demandat a dos endreits de crear de vesitas e animacions en occitan, e o an fait!”

Muriel Batbie-Castell Cantadora e pedagòga
Comentaris 5 comentaris    
Marrit Flac Bon Plan bon Fabulós (12 vòtes)
carregant En cargar


Nascuda a Tolosa e installada a Fois, Muriel Batbie-Castell es una de las voses que fan viure la lenga dins tota sa beutat. Coneguda per sa votz dins las anóncias dins lo mètro de Tolosa, la cantadora lirica occitana seguís tanben d’estudis literaris e lingüistics. Lo resultat de tot aquò nos a regalats amb lo reviscolament dels grands poètas occitans, dels trobadors fins al barròc, en tot tornar la votz a lors paraulas, sovent oblidadas. Un dels darrièrs projèctes de Batbie-Castell lo presentàvem fa qualques jorns dins Jornalet, e aqueste prepausa de vesitas pedagogicas en occitan dins plusors castèls e sits istorics. Dins aquesta entrevista, Batbie-Castell nos parla d’aquel projècte, de sa vida e de sa pensada...

 

Cossí t’es venguda l’idèa de crear lo grop de “vesitas pedagogicas en occitan”?
 
Tornavi de dos viatges qu’organizèri ongan, e i passèri tant de temps per los aprestar, que primièr, me pensèri de ne far profeitar de collègas endacòm mai. Puèi, los joves m’ensenhèron cossí crear un grop sus Facebook. Vertat qu’es un espleit magic! Lo mond pòdon publicar e partejar en dirècte, gaireben, d’informacions sus una tematica anonciada. Doncas, èra lo mejan ideal de poder recampar en un sol endreit e rapidament, un fum d’entresenhas sul sicut per fin de n’aver una vision globala. Una mena, modèstament, de “platafòrma centralisatritz de donadas”.
 
 
Aquela aisina mancava als professors?
 

« La dificultat es de nos trobar totes amassa, de Bordèu a Niça, de la Val d’Aran a las Valadas d’Itàlia »

Òc, vertat. De causas se fan, segur, mas ne demòra sovent qu’una vision parciala. N’aviam ja parlat mai d’un còp als acamps d’ensenhaires, mas la dificultat es de nos trobar totes amassa, de Bordèu a Niça, de la Val d’Aran a las Valadas d’Itàlia. Lo territòri es grandàs e amb las agendas plan cargadas de cadun, las iniciativas,  de còps, pòdon demorar confidencialas.

« Sabèm pas forçadament çò que fa un(a) collèga de l’autra part d’Occitània »

Sabèm pas forçadament çò que fa un(a) collèga de l’autra part d’Occitània. La tòca es de menar cadun a comunicar son experiéncia.
 
 
E fonciona? Lo mond publican?
 
Aquò comença, òc. Vesi de professors de Lengadòc, Provença, Aquitània publicar e prepausar de vesitas o animacions en occitan, del costat de Besièrs, Arle, Avinhon, Malhana, Niça, Bordèu, Pau...
 
 
Los organismes de viatges escolars prepausan pas res per l’occitan e las autras lengas autoctònas de l’estat francés?
 
Son d’organismes nacionals (privats) e a ma coneissença, non.
 
Recebèm de catalògs cada an dins los establiments. Prepausan de viatges “clau en man” per las lengas estrangièras (anglés e espanhòl subretot, qualquas paginas per l’alemand, l’italian e las lengas ancianas per las culturas de l’Antiquitat.
 
Justament, soi a trabalhar amb l’un d’aquestes organismes nacionals (localizat en Avairon) per la parucion d’una rubrica “Occitània: lenga e cultura”.
 
 
Nos pòdes dire qual es aquel organisme?
 
Malaürosament, pas encara (tant que la causa es pas clavada!). E es pas ganhat, perque cal que i aja de demandas e d’ofèrtas. Totes podètz ajudar a la creacion d’aquestas aisinas. Sufís de sonar los organismes de viatges, los oficis de torismes, los sites publics o privats.. e de demandar a cada còp çò que prepausan en occitan. E se prepausan pas res, de lor far de suggestions.
 
 
Aquò pòt marchar, pensas?
 
Disi pas que marcharà de segur mas la repeticion pòt crear l’impacte. O ai provat.
 

« Ai demandat a dos endreits de crear de vesitas e animacions en occitan, e o an fait! »

Ai demandat a dos endreits (un castèl e un ofici de torisme) de crear de vesitas e animacions en occitan en lor explicar qu’aquò mancava per las escòlas, collègis, licèus, e mai que tornarai amb de grops, e patin cofin.. E o an fait!
 

« Cal que i aja tanben una demanda de la basa, de la societat civila »

Es un pauc alassant de còps (e los responsables  d’associacions d’ensenhaires qu’i trabalhan o sabon plan: CRÈO, Òc-Bi, FÈLCO, Calandretas..) mas nos cal “butar” sempre. E mai ajam lo sosten de cèrtas regions e institucions d’estat (Rectorat/Acadèmia), de mai en mai, aquò basta pas. Las calhas tomban pas totas rostidas. Cal que i aja tanben una demanda de la basa, de la societat civila.
 
 
E l’avenir?
 
A la gràcia de Dieu, e subretot, a la volontat dels òmes!
 
 
  
 
abonar los amics de Jornalet



publicitat



Comentaris

23 d'abril 22.05h

« — E l’avenir ?
— A la gràcia de Dieu, e subretot, a la volontat dels òmes ! »

Cal ajustar, benlèu, qu'aqueste mond s'es fait sense cap dieu, e que la volontat, aquesta fòrça òrba e dessenada que fa anar çò que deven tra lo temps e l'espaci, escapa, tant per definicion coma per natura ontologica — e escaparà donc sempre —, a l'òme que n'es lo mariòl desarticulat, ren mai. Çaquelà, la Dòna Batbie-Castell, en mai de nos far una cantatritz mai que meravelhosa, nos mòst... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

22 d'abril 12.22h

De visitas guidadas d'Agen en occitan m'es arribat de ne far mas seriá puslèu lo ròtle de l'Ofici del torisme. Es vertat que lo Vincent Madaule fa una passejada nocturna pendent l'estiu sul tèma "sus las piadas de Jansemin" mas se fa en francés perque parla pas occitan totben que lo comprenga. Ensaji de lo persuadir de l'aprene. Se Muriel crea una ret, soi interessat en tant que referent par la lenga e la cultura occitanas a la comuna d'Agen.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

18 d'abril 23.02h

La miá felicitacion per la tiá idea força interessant. una manièra de far créisser la lenga occitana


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

15 d'abril 21.47h

Una polida al·lota que donet la vots al Metro de Tolosa, segur que serà polit de l'ausir. Sa ideia de crear visitas a Castels e locs emplemàtics d'Occitania, és força bona e cal que se faga. Se la gent del Lengadoc foguesset coma Muriel Batbie Castell, o una quarta part, seria ja un país liure.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

15 d'abril 08.49h

De mond aital que se bolègon, e joines per subrepés, fan bravament avançar las causas. Mai que los repotegaires.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Catalonha e Aran: respectar la lei e lo referendum d’independéncia

Raportàvem, lo 14 de julhet passat, qu’Unitat d’Aran aviá publicat un comunicat en se manifestant contrària a la tenguda del referendum independentista del 1r d’octòbre ...
giny

Lo temps

Mapa
  • nuvols Agen 24 15
  • nuvols Aush 27 16
  • nuvols_parcials Bordèu 29 14
  • sol Briançon 25 12
  • sol Caors 24 14
  • nuvols Carcassona 24 17
  • nuvols_parcials Clarmont-Ferrand 26 14
  • nuvols Confolent 21 13
  • sol Gap 33 18
  • nuvols_parcials La Canau 29 14
  • nuvols_parcials La Gàrdia 25 17
  • sol La Torre de Pèlitz 29 21
  • nuvols Limòtges 21 13
  • sol Lo Borg Sant Dalmatz 57 19
  • sol Lo Puèi de Velai 13
  • sol Marselha 34 20
  • sol Montpelhièr 33 21
  • nuvols Naut Aran 22 16
  • sol Niça 29 14
  • sol Nimes 35 21
  • nuvols Pau 25 16
  • nuvols Peireguers 24 14
  • sol Rodés 31 13
  • sol Tolon 31 21
  • nuvols Tolosa 25 17
  • sol Valença 25 15

giny

giny

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • © Hug de la Rosa

    Era vila de Les (Aran) a hestejat era declaracion de patrimòni dera umanitat des hèstes deth huec

  • © Aure Séguier

    Carnaval Biarnés 2017

  • Omenatge a Aragon. © Franc Bardòu

    Omenatge a Aragon

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    Lo Grau dau Rei (Camarga)

  • Mini presèpi (santons de 4 cms) ambé sei 3 Reis magues arribats. © Andriu Dosòl

    Concors de Nadal de Jornalet: Cossí se passan las Calendas en cò vòstre?

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Lissandre Varenne

    Senhaletica en Marjarida

  • © Franc Bardòu

    Tèrra albigesa

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Laurenç Revèst

    Castelar

  • Niça vièlha en occitan niçard. © LR

    Niça vièlha en occitan niçard

  • Anèm òc! Març de 2012. © Maria-Carlòta Cassabois

    L'occitan per carrièras (concors de prima 2014)

  • Canejan. Pòrta vielha. © Xavi Gutiérrez Riu

    Val de Toran (Aran)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • La Primada de Montsegur 2013. © Bruno Sapena

    La Primada de Montsegur 2013

  • Mobilizacion a Brelh de Ròia per fin de sostenir lo mantenement de la linha Niça-Coni

    Mobilizacion lo diménegue 25 de mai a Brelh de Ròia per fin de sostenir lo mantenement de la linha Niça-Coni

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)