La reforma francesa del collègi, una reforma, prevista per la rintrada de 2016, prevei de marginalizar mai encara l’ensenhament de l’occitan. Es un pas enrèire quitament per rapòrt a la lei francesa de l’educacion de 2013 e, un còp de mai, contra la lenga occitana. Gaireben totas las associacions restacadas a l’ensenhament de las lengas mal nomenadas regionalas se son mobilizadas contra la reforma, tant la FÈLCO d’Occitània coma Ikas-Bi del Bascoat, e parièr per totas las autras lengas. E mai, lo collectiu dels ensenhaires en general es majoritàriament contra aquela reforma, per d’autras rasons.
 
Per aquò la recomandacion Facebook d’aquesta setmana es per una que lucha contra la mòrt de l’occitan al collègi. Vesitatz-la e cliclatz sus m’agrada.