E mai se la Val d’Aran a viscut qualques còps lo pas del Torn de França, ongan aculhiguèt per lo primièr la sortida d’una estapa, mai concretament la 9a. L’espròva esportiva arribèt 9 de julhet dissabte en Aran, e partiguèt vèrs Catalonha dimenge 10. Lo Conselh General d’Aran preparèt l’aculhiment d’aquel eveniment amb una seguida d’accions prèvias durant los meses de març e de junh amb la preséncia de ciclistas notables qu’an participat al Torn de França. En mai d’aquò, lo meteis 10 de julhet i aguèt una seguida d’activitats pels escolans d’Aran e pels afeccionats de ciclotorisme.