Bandièra01 1180x150: Comuna de Tolosa

Actualitats

Un Monde XIII: 11 de novembre, jornada XIII

Una pintura tretzista de Ramon Arroyo
Una pintura tretzista de Ramon Arroyo | FFR XIII
Aqueste dijòus de ser, a Salford, la pausa, los Estats Units menavan 8-0. A la fin, aprèp 4 ensags marcats, los escoceses ganhèron: 22-8. La formacion celtica se trapa al cap de la pola C amb 2 punts d’avança sus Itàlia, mas amb la meteissa diferéncia de punts. Dimenge, s’Itàlia ganha, los transalpins seràn en quarts. En cas d’egalitat o de victòria de Tònga, seràn los escoceses los qualificats.

Aqueste diluns 11, de segur, se tendrà a uèit oras del vèspre la partida França-Samoa a Perpinhan (estadi Brutus). Demòran 1000 plaças dreit a la venda. Lo XIII Blau sap pas se poirà comptar amb son capitani Olivièr Elimàs, que ten de problèmas acromioclaviculars.
 
Mas la jornada tota en Catalonha Nòrd serà dedicada al XIII:
 
— De matin, se jogarà la Tòca XIII a Cànoes. 
 
— A miègjorn, a Toluges, la formacion locala (Pantèras) reçauprà l’esquipa nacionala de... Belgica!
 
— Seguiràn a 13h30 (cabdèths) e 15h (juniors), lo rescontre de seleccions occitanocatalans amb los aborigèns de la Nòva Galas del Sud (Austràlia).




Alan Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Alan Roch Carcassona
1.

Pas de pietat dels Kiwis pels Papós : 56-10.
Los Blaus son assegurats de la qualificacion pels quarts de finala.

  • 2
  • 0

Escriu un comentari sus aqueste article