Los Dracs son en granda dificultat. Aprèp la desfaita a Castleford, Julian Bosquet a pres quatre partidas de suspension, lo menaire Scott Dureau tocat al tendon del bicèps operat, Tomàs Bòsc tocat a las còstas, Pommeroy que patís dels adductors (çò que i es arribat mai d’un còp las sasons passadas), de chifras catastroficas en defensa: 45 placatges mancats. L’esquipa per afrontar Leeds fasiá rampèl a unes jogaires mai acostumats de defendre las colors dels Dragonets: Joan-Felip Baile, Marc Palà, Fred Vaccari, Antonin Maria... Se capitèron a téner còp mièja oreta amb un supèrbe ensag d’Oldfield sus costat tampat d’escòla, un ensag anglés sus una pauma perduda catalana e una accion d’80 mètres plegava la partida a la fin del primièr temps (18-6), d’aitan mai que sus l’accion lo talonaire Henderson se fracturava lo radi! Novèla desfaita catalana, 40-12, e mobilizacion generala pel desplaçament a Wakefield que n’es al meteis punt que los Dracs aqueste dimenge 9.
Dins la pola bèla d’Elèit 1, Limós recebiá los Dragonets a L’Agulha. Los roge e negre tenguèron còp fins a la pausa abans de daissar filar los catalans: 42-10.
A Lesinhan, la partida foguèt mai sarrada entre los locals e lo Tolosa Olimpic. Egalitat a 6-6 a la pausa, mas tres ensages tolzans prenián lo dessús sus un ensag e tres penalitats corbierencas: 22-16.
En pola B, Palau es en dificultat e concedís l’egalitat a Realmont en tèrra tarnesa, 22-22, mentre que Vilanuèva d’Òlt es anada ganhar, mas foguèt pas simple, a Baó: 38-26.
En pola C, dissabte, passejada de santat per l’AS Carcassona a Lion, 60-8, e victòria sens problèma d’Avinhon sus Albi, 38-14.
La dimenjada qu’arriba, las partidas del primièr torn retorn seràn justament lo retorn de las d’aquesta dimenjada. Lo tiratge de las mièjas finalas de la Copa, previstas los 22 e 23 de març, a balhat las oposicions seguentas: Avinhon contra Caracssona e Palau contra Tolosa.
E aqueste dijòus lo campionat d’NRL tornarà prene en Austràlia amb un afrontament de tria entre los campions, los Pols-Roosters, e los Lapinons-Rabbitohs. Tres partidas d’aquesta represa se poiràn seguir mercé a BeIn Sport: Roosters-Rabbitohs, aqueste dijòus a 10h del matin (BeIn Sport 1); Boldògs de Canterbury contra Cavals Fòls de Brisbane, divendres a 10h del matin (BeIn Sport 1); Aglas de Mar de Manly contra la Tempèsta de Melbourne, dissabte a 9h del matin (BeIn Sport Max 3). De qué se faire ja una idèa de las fòrças en preséncia!
Alan Roch
Dins la pola bèla d’Elèit 1, Limós recebiá los Dragonets a L’Agulha. Los roge e negre tenguèron còp fins a la pausa abans de daissar filar los catalans: 42-10.
A Lesinhan, la partida foguèt mai sarrada entre los locals e lo Tolosa Olimpic. Egalitat a 6-6 a la pausa, mas tres ensages tolzans prenián lo dessús sus un ensag e tres penalitats corbierencas: 22-16.
En pola B, Palau es en dificultat e concedís l’egalitat a Realmont en tèrra tarnesa, 22-22, mentre que Vilanuèva d’Òlt es anada ganhar, mas foguèt pas simple, a Baó: 38-26.
En pola C, dissabte, passejada de santat per l’AS Carcassona a Lion, 60-8, e victòria sens problèma d’Avinhon sus Albi, 38-14.
La dimenjada qu’arriba, las partidas del primièr torn retorn seràn justament lo retorn de las d’aquesta dimenjada. Lo tiratge de las mièjas finalas de la Copa, previstas los 22 e 23 de març, a balhat las oposicions seguentas: Avinhon contra Caracssona e Palau contra Tolosa.
E aqueste dijòus lo campionat d’NRL tornarà prene en Austràlia amb un afrontament de tria entre los campions, los Pols-Roosters, e los Lapinons-Rabbitohs. Tres partidas d’aquesta represa se poiràn seguir mercé a BeIn Sport: Roosters-Rabbitohs, aqueste dijòus a 10h del matin (BeIn Sport 1); Boldògs de Canterbury contra Cavals Fòls de Brisbane, divendres a 10h del matin (BeIn Sport 1); Aglas de Mar de Manly contra la Tempèsta de Melbourne, dissabte a 9h del matin (BeIn Sport Max 3). De qué se faire ja una idèa de las fòrças en preséncia!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tocat a un pompilh, Rémy Casty serà pas de la partida. Domatge...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari