Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcAlbigésCarmaucin

Escòla: una “descobèrta dels mestièrs” ligats a l’occitan

Rescontres sus las orientacions e los mestièrs en lenga occitana pels escolans de 3a e de 2a a Cap Descobèrta, prèp d’Albi

Una jornada d’informacions èra organizada dijòus 10 d’abrial sul sit de Cap Descobèrta, a l’Ostal de la Musica del Garric (País d’Albi), sus las orientacions e los mestièrs ligats a la lenga occitana.
 
170 escolans albigeses de 14 classas de 3a e 6 classas de 2a èran aculhits, tant coma un vintenat d’estudiants del Centre Universitari Champolion e de l’Universitat de Tolosa-Lo Miralh. 
 
En primièra partida de matinada, un forum “orientacion” èra prepausat per presentar los cursus consacrats a la lenga e a la cultura occitanas, en licèu e a l’universitat. Una “descobèrta dels mestièrs” ligats a l’occitan èra expausada en segonda partida de matinada (occitan e torisme, occitan dins los mestièrs de l’audiovisual, los mestièrs de l’ensenhament…).
 
Un espectacle de jazz e de musica tradicionala, “Camins Mesclats”, realizat per 5 artistas —4 musicians dont Guilhèm Lopez e 1 cineasta— èra presentat dins la vesprada als escolans.
 
L’objectiu d’aquela jornada, finançada pel conselh general de Tarn e la region Miègjorn-Pirenèus, èra de far descobrir als joves las possibilitats de seguida de l’estudi de la lenga occitana al licèu e a l’universitat mas, tanben, los emplecs possibles que la practica de l’occitan i constituís un atots.
 
 
 
 
Olivièr Capòni
 



fffff  fffff
 Jornalet a l’escòla
 
Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
 
Se cada escòla nos manda quatre o cinc notícias per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
 
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
     

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Estève
5.

#3 Coma disètz, i a de camin a far ! Occitània es una zòna linguistica sens nacion e sens Estat e amb una lenga a las escanas. Talament qu'ara nòstres cementèris son plen de monde que son mòrts sens aver jamai ni parlat ni entendut ni comprés l'occitan. Parli del temps ont lo mètro èra en francés.

  • 1
  • 0
Ge
4.

#3 excusa te voliáu metre un + e lo det a ripat sus -

Aquò dich, siáu totalament ok amb ton comentari.

  • 4
  • 0
Terric Lausa Quilhan
3.

Una excellenta iniciativa. Brave!

E lo jorn que serà desliurada Occitània de la colonizacion francesa e que serem un país normal, totes los mestièrs seràn ligats a l'occitan. I a encara de camin a far abans qu'òm s'alasse.

  • 8
  • 4
Andriva
2.

Es a costat de Carmauç.

  • 1
  • 0
Emmanuèl Isopet
1.

Excellenta iniciativa! Osca.

  • 4
  • 0

Escriu un comentari sus aqueste article