Bandièra01 1180x150: Comuna de Tolosa

Actualitats

Manifestacion a Al Ayun: detenon los observaires catalans

Una delegacion d’elegits catalans, qu’anava observar lo debanament d’una manifestacion per l’independéncia del Sahara Occidental, foguèt detenguda qualques oras per la polícia

Una delegacion catalana formada per de deputats dels partits d’esquèrra del Parlament de Catalonha (ÈRC, ICV-EUIA, CUP), amb qualques conselhièrs municipals d’aqueles partits, foguèron detenguts qualques oras a Al Ayun (Laâyoune, El Aaiún), en lo Sahara Occidental, dimars passat, mentre que se debanava una manifestacion en favor del pòble saharauí.
 
La delegacion d’elegits catalans èra a vesitar lo país en tenent lo ròtle d’observaires internacionals en aquela manifestacion. Denóncian que, pendent la manifestacion, la polícia los detenguèt e los embarrèt dins un ostal. Qualques oras puèi, escortats per la polícia, foguèron menats a l’ostalariá.
 
La delegacion denóncia aqueles faches e mai de repressions amb fòrta violéncia contra aquela manifestacion qu’èra anada observar. De centenats de personas manifestèron per exigir lo drech d’autodeterminacion e l’independéncia del Sahara Occidental, convocadas per la Coordinacion de las Associacions Saharauís dels Dreches Umans.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèir Bigòrra
2.

Non s'auré pas a escríver Al Aión o El Aión en occitan ?

  • 1
  • 0
Amalric de Montreal Montreal de Carcassés
1.

Mas alara, los d'Esquèrra Republican serian vertadierament republicans e vertadierament d'esquerra ? Una raretat, una singularitat, quitament ! O calia far saber.

  • 2
  • 0

Escriu un comentari sus aqueste article