Bandièra01 1180x150: Comuna de Tolosa

Actualitats

Cuba e los Estats Units reprenon las relacions diplomaticas après cinquanta ans

Es un acòrdi istoric entre los Estats Units e Cuba, qu’an decidit de reprene las relacions diplomaticas, après mai de cinquanta ans sens dialòg, e de dobrir l’ambaissada estatsunidenca a L’Avana. O anoncièron ièr en lors respectivas compareissenças lo president de Cuba, Raúl Castro, e lo dels Estats Units, Barack Obama. Totes dos diguèron lors mercés al Vatican, e en concret al papa Francés per son ròtle en aqueste restabliment de las relacions. Obama reconeguèt qu’aqueles cinquanta ans a viure d’esquina avián pas servit a res.


“Lo papa Francés nos a ensenhat que las causas podián pas contunhar coma fins ara s’aital foncionavan pas”, çò a explicat Obama, qu’apondiá: “Podèm pas far çò que s’es fach pendent cinc decennis e qu’a pas foncionat. Sabèm qu’es melhor de far la transicion d’una autra manièra”. Reconeissiá, aital, la revirada de l’estrategia d’aquestas cinquanta annadas, dempuèi qu’en 1961 los Estats Units avián talhat las relacions diplomaticas amb Cuba. De son costat, Raúl Castro disiá: “Es possible de trobar la solucion a fòrça problèmas. Coma o avèm repetit mantes còps, nos cal aprene l’art de conviure d’un biais civilizat”.
 
Obama a anonciat tanben que menarà lo congrès estatsunidenc per que “s’engatge en un debat dobèrt e dirècte per metre fin a l’embarg”. Castro parlèt tanplan d’aquel embarg: demandèt als Estats Units de cessar “lo blocatge economic, comercial e financièr que causa d’enòrmes damatges”.
 
Castro a demandat al govèrn dels Estats Units d’“adoptar de mesuras mutualas per melhorar lo clima bilateral e avançar en la normalizacion dels ligams entre los dos estats”. Tanben li a demandat de “levar los obstacles qu’empedisson los ligams entre los dos pòbles, las familhas o los ciutadans, en particular los que pertòcan los viatges, lo corrièr postal dirècte e las telecomunicacions”.
 
 
Liberacion de presonièrs
 
La compareissença dels dos presidents arribava pauc après l’anóncia de la liberacion de l’entrepreneire estatsunidenc Alan Gross, empresonat los darrièrs cinc ans e acusat d’aver ensajat de montar un ret connectat a Internet, fòra lo contraròtle del govèrn cuban, per que foguèsse utilizat per l’oposicion. En escambi d’aquela liberacion, los Estats Units an liberat tres cubans qu’èran empresonats e acusats d’espionatge. 





Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Núria Girona
8.

#7

Informa't bé.

  • 0
  • 0
Cristian FORMENT AGEN
7.

#6- Amb això, ho tendràs clar, Núria : (Operamundi)"Cimera de las Amèriques : a desgrat de les multiples pressions dels Estats-Units, l"Amèrica llatina es nega a organitzar la pròxima cimera de les Amèriques fora de la presència de Cuba."
I com que no vol fracassar l'Obama acabant el seu mandat, segueix les "recomanacions" del zapatisme triomfant. No hi tè res a veure el papa..., o molt poc.

  • 0
  • 0
Núria Girona
6.

No oblideu pas que el papa Francecs ha estat darrere tot eixe procés de pau, reconciliació i llibertat, una vegada més l'església católica ha estat un canal de diàleg ... gràcies papa Francecs

  • 3
  • 1
Ernèst Guevara Jr. L'Avana
5.

« Occitania saluda Cuba » coma o cantava Claudi Martí y Salazar. E los jornalistas dels medias dominants de contar que Cuba seriá a las angónias, coma se foguès en causa de las posicions ideologicas del regim castista, mentre qu'es mai que mai en rason de la politica dels estats units d'America !

  • 2
  • 0

Escriu un comentari sus aqueste article