Bandièra01 1180x150: Comuna de Tolosa

Actualitats

Omenatge a Montsegur lo 22 de març

771 après lo masèl, se prepausa “una ceremònia de reculhiment, dobèrta a totes”

| Yeza
Dimenge 22 de març, a 11 oras, se debanarà al Prat dels Cremats, al pè del Castèl de Montsegur (País d’Òlmes), la commemoracion de remembre de las victimas de la guèrra de 1209-1244, quand l’armada francesa, amb lo sosten del Vatican, envasiguèt una partida d’Occitània jol pretèxt de combatre una eretgia religiosa.
 
Lo 16 de març de 1244, de matin, l’armada francesa cremèt 210 personas dins un grand lenhièr. Uèi, al Prat dels Cremats, i a una estèla commemorativa dedicada a aquelas victimas: “Als catars, als martirs del pur amor crestian”.
 
A l’ora d’ara, lo 16 de de març es pas oficialament un jorn de fèsta, e per aquò l’associacion foissenca Occitània e Libertat prepausa la commemoracion lo dimenge seguent, qu’es lo 22 de març. Se prepausa “una ceremònia de reculhiment, dobèrta a totes”, per “tornar trobar d’espacis de libertat, de pensada, de reflexion; luènh dels unifòrmes constrenches”.
 
Per mai d’entresenhas podètz contactar Occitània e Libertat al telefòn: +33 (0)5 61 67 33 40.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tàrrega Igualada (PP.CC.)
9.

Tots els que em patit l'estrall i l'abus a la nostre Terra sabem que malgrat tot els nostres Països han lluitat per valors universals i que els d'allí seran sempre els mateixos, uns bàrbars que no pensen en res només a fer destrossa.
La seba mort fou injusta, com moltes d'altres però en el nostre record sempre perduraran.
"El Tàrrega".

  • 1
  • 0
skippy
8.

#3
Fau 'restar de durmir sus los pelons...

https://www.youtube.com/watch?v=k_3hIoUGbls

« Une totale liberté de pensée cosmique, vers un nouvel âge réminiscent ... »

  • 3
  • 0
antalya apraquital
7.

#4 Òc ben mièja ora que querdi.. fai me lum tè !

  • 0
  • 0
Terric Lausa Quilhan
6.

#5
Èri pas brica en colèra. Me som acontentat de donar mon vejaire.

  • 5
  • 1
Emmanuèl Isopet
5.

#1#2 Me sembla pas que l'article demande una tala colèra, ni d'un costat ni de l'autre. Òc, Montsegur es vengut mitic ; e perqué pas ? Segur que dire « l’armada francesa, amb lo sosten del Vatican, envasiguèt una partida d’Occitània » es un pauc simplificat o anacronic, mas parlar de « dògme »… (o dògma, sabi pas) es un pauc fòrt ça que la. Dire qu'es un « genocidi contra los occitans » es tanben fals. Al milit, se volètz utilizar « genicidi » cal dire « contra los catars », me sembla. En tot cas, perque pas se reculhir a Montsegur.

  • 4
  • 0

Escriu un comentari sus aqueste article