Bandièra01 1180x150: Comuna de Tolosa

Actualitats

Malika Milhorat: una estetica novèla

Malika Milhorat es una pintora carcinòla qu’a desvolopat una estetica novèla. Sos tablèus son unics. Los realiza amb de pintura d’òli e amb los pincèls, los cotèls, sus e jos resina, sus de telas o sus de lausas. Abstrachas o figurativas, las telas de Milhorat son percorregudas de movement e rebaton las recèrcas de l’artista sus la matèria que transmet las emocions. L’inspiracion del trach sembla de guidar una òbra sovent figurativa. L’artista del Bas Carcin tròba sa satisfaccion amb los subjèctes de la femna, del caval e de la natura. Pinta sas telas a l’interior de son estudi, en Bas Carcin, mas se desplaça en exterior per reproduire las meravilhas de la natura.
 
Malika Milhorat nasquèt en 1972 e es artista professionala dempuèi 2013. La passion li arribèt tard e mai se la creativitat foguèt apareguda dins son esperit dempuèi qu’èra tota petita. L’artista observava son paire realizar de grands velièrs amb de broquetas, çò que l’impressionava. De fach, a totjorn sentit l’enveja de crear mas i aviá quicòm dins son esperit que la fasiá se sosestimar. Mas en seguida d’un accident de mòto en novembre de 2011, que l’artista deguèt passar qualque temps en cadièra de ròdas, Milhorat perpensèt fòrça pendent qualques meses e se lancèt a l’aiga, o maitot a “l’òli”. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

antalya apraquital
3.

#2 Sabetz pas somiar....:-) setz pas enquèra en camin per lo viatge chamanica.
Una tèla s'agacha pas coma un dessenh de mickey... cadun son fais, cadun son ressentit....

  • 1
  • 0
Pèire Venzac Cròs de Ronèsca
2.

Sonque de polits imatges : res de jamai vist , res de novèl jol solelh ! Tot aquò demòra illustracion cap d' estetica novèla. Mòstrar lo vesible atal que lo vesèm non es la tòca de las arts. Cal quicòm de mai que i aviám pas vist e puèi d'eveniments cromatics ... Es a dire un espèctacle que nos fa soscar, amb plaser o non , que melhora nòstre vejaire sul mond perque "Tot es bufèc e corsejar lo vent"...

  • 3
  • 1
antalya apraquital
1.

De polidas tèlas ont se perd l'agach fins a dintrar dins l'autre mond...

  • 1
  • 0

Escriu un comentari sus aqueste article