E mai se lo rinocèros es un animal en perilh d’extincion, 2016 es estat un an fòrça marrit per aquel mamifèr. Dempuèi l’enebicion del trafec de bana de rinocèros en Africa del Sud en 2008, lo nombre d’animals tuats pels braconaires s’arrèsta pas de créisser. Fins a març 2016, e pendent tot 2015, s’es tuat 1300 rinocèros segon l’organizacion conservacionista IUCN.
Aquò fa que la situacion del rinocèros african, que ja es gaireben estench, siá mai malaisida que jamai. E, se lo deviá ben ajudar la lei sud-africana sul comèrci de banas, l’efièch es pas estat gaire melhor.
“La creissença del nombre de rinocèros mòrts en Africa s’es pas arrestada de créisser dempuèi sièis ans”, çò confirmèt l’Union Internacionala per la Conservacion de la Natura (IUCN). “Solament en 2015 son estats caçats mai de 1338 rinocèros. E aquò es lo nivèl mai naut dempuèi la crisi que patís aquel mamifèr, que comencèt en 2008”.
Mai de demanda de banas que jamai
Mas lo braconatge de rinocèros africans poiriá pas existir sens la demanda de païses coma China o Vietnam, qu’aquela demanda es de mai en mai nauta. Aital, lo prètz d’una bana de rinocèros al mercat negre, per sas caracteristicas medicinalas, es tanben mai naut qu’abans 2008.
Las banas dels rinocèros son fachas de ceratina, lo meteis material que lo las onglas umanas, e per tant, son vendudas coma s’èra un medicament que poiriá salvar lo mond de malautiás coma lo càncer o d’autras de similaras. Un mite que scientificament an demostrat qu’es fals. Mas un grand nombre de chineses e de vietnamians o creson.
L’òme es lo principal responsable de l’extincion venenta del rinocèros african, e es tanben lo que mai l’ajuda. En 1973 foguèt creat un tractat internacional per salvar la natura salvatja e la protegir de la subresplecha umana. Puèi, en 1977, la Convencion Internacionala per salvar las Espècias en Perilh de Comèrci (CITES) enebiguèt lo trafec de la bana de rinocèros. Mas sembla qu’aquò aja pas ajudat brica la situacion d’aquel grand mamifèr african.
En 2008, la Republica d’Africa del Sud, qu’aviá en aquel moment aperaquí 20 000 rinocèros, çò es l’80% de la populacion mondiala d’aquel animal, enebiguèt lo comèrci illegal de la siá bana. Mas aquò es demorat tanben coma una accion pas pro eficaça.
En mai d’aquò, lo director general de l’Union Internacionala per la Conservacion de la Natura a avertit que la guèrra contra los braconaires es de mai en mai perilhosa pels soldats que patrolhan los airals protegits e que “l’alèrta es mai granda en d’autres païses frontalièrs de Sud-Africa, coma Namibia e Zimbabwe, pr’amor que lo braconatge creis mai en aqueles païses qu’en Africa del Sud”.
Aital, e segon aquela organizacion environamentala, lo crime organizat a vendut en 2015 e 2016 de banas de rinocèros a un prètz de 60 000 dolars per quilograma, çò que fa qu’aquel material siá mai car que la cocaïna. A causa de tot aquò, luchar contra lo braconatge dels rinocèros es una accion de mai en mai malaisida. E la demanda actuala de China e Vietnam ajuda pas a la recuperacion qu’aquel mamifèr aviá agut en Africa tota pendent los darrièrs vint ans.
Los analistas an confirmat tanben que lo braconatge dels rinoceròs, que semblava de s’arrestar fa dos ans, a tornat créisser amb fòrça. A l’ora d’ara, la populacion africana es solament de 19 000 rinocèros blancs e de qualques 5000 rinocèros negres. Una situacion biologica fòrça perilhosa.
Christian Andreu
Aquò fa que la situacion del rinocèros african, que ja es gaireben estench, siá mai malaisida que jamai. E, se lo deviá ben ajudar la lei sud-africana sul comèrci de banas, l’efièch es pas estat gaire melhor.
“La creissença del nombre de rinocèros mòrts en Africa s’es pas arrestada de créisser dempuèi sièis ans”, çò confirmèt l’Union Internacionala per la Conservacion de la Natura (IUCN). “Solament en 2015 son estats caçats mai de 1338 rinocèros. E aquò es lo nivèl mai naut dempuèi la crisi que patís aquel mamifèr, que comencèt en 2008”.
Mai de demanda de banas que jamai
Mas lo braconatge de rinocèros africans poiriá pas existir sens la demanda de païses coma China o Vietnam, qu’aquela demanda es de mai en mai nauta. Aital, lo prètz d’una bana de rinocèros al mercat negre, per sas caracteristicas medicinalas, es tanben mai naut qu’abans 2008.
Las banas dels rinocèros son fachas de ceratina, lo meteis material que lo las onglas umanas, e per tant, son vendudas coma s’èra un medicament que poiriá salvar lo mond de malautiás coma lo càncer o d’autras de similaras. Un mite que scientificament an demostrat qu’es fals. Mas un grand nombre de chineses e de vietnamians o creson.
L’òme es lo principal responsable de l’extincion venenta del rinocèros african, e es tanben lo que mai l’ajuda. En 1973 foguèt creat un tractat internacional per salvar la natura salvatja e la protegir de la subresplecha umana. Puèi, en 1977, la Convencion Internacionala per salvar las Espècias en Perilh de Comèrci (CITES) enebiguèt lo trafec de la bana de rinocèros. Mas sembla qu’aquò aja pas ajudat brica la situacion d’aquel grand mamifèr african.
En 2008, la Republica d’Africa del Sud, qu’aviá en aquel moment aperaquí 20 000 rinocèros, çò es l’80% de la populacion mondiala d’aquel animal, enebiguèt lo comèrci illegal de la siá bana. Mas aquò es demorat tanben coma una accion pas pro eficaça.
En mai d’aquò, lo director general de l’Union Internacionala per la Conservacion de la Natura a avertit que la guèrra contra los braconaires es de mai en mai perilhosa pels soldats que patrolhan los airals protegits e que “l’alèrta es mai granda en d’autres païses frontalièrs de Sud-Africa, coma Namibia e Zimbabwe, pr’amor que lo braconatge creis mai en aqueles païses qu’en Africa del Sud”.
Aital, e segon aquela organizacion environamentala, lo crime organizat a vendut en 2015 e 2016 de banas de rinocèros a un prètz de 60 000 dolars per quilograma, çò que fa qu’aquel material siá mai car que la cocaïna. A causa de tot aquò, luchar contra lo braconatge dels rinocèros es una accion de mai en mai malaisida. E la demanda actuala de China e Vietnam ajuda pas a la recuperacion qu’aquel mamifèr aviá agut en Africa tota pendent los darrièrs vint ans.
Los analistas an confirmat tanben que lo braconatge dels rinoceròs, que semblava de s’arrestar fa dos ans, a tornat créisser amb fòrça. A l’ora d’ara, la populacion africana es solament de 19 000 rinocèros blancs e de qualques 5000 rinocèros negres. Una situacion biologica fòrça perilhosa.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Serem capaços?
"El Tàrrega".
Creish lo nombre de rinos morts a fina mesura que creish lo nombre de conàs vius. La demografia umana descabestrada serà totjamei incompatibla damb un environament sanitós.
Lo títol de l'article me sembla mal fargat. Al flor e en mesura que s'avança lo temps, plan segur que lo nombre de mòrt augmenta, los èsser vivents acabant totes per morir a un moment o a un autre, sens i èsser remplaçats pels mòrts del còp d'abans. Supausi que çò que ne voliá dire Christian Andreu, es que lo nombre de rinoceròs tombant mòrts PER UNITAT DE TEMPS augmenta, que se'n tua de mai en mai cada an. E plan segur qu'a rason : ne cal parlar, e cal agir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari