Actualitats
L’Assemblada francesa a enebit los insecticidas que tuan las abelhas
Los neonicotinoïdes seràn enebits a partir de setembre de 2018 per que los agricultors ajan temps de trobar d’alternativas
L’Assemblada francesa a enebit los insecticidas de la familha dels neonicotinoïdes, considerats coma los tuaires d’abelhas. Los deputats franceses an votat un emendament al projècte de la Lei de biodiversitat en tresena lectura, çò rapòrta Le Figaro, e l’enebicion començarà en setembre de 2018 per que los agricultors ajan temps de trobar d’alternativas. Après doas oras de debat, l’emendament aguèt 30 vòtes per e 28 contra.
Se tracta d’una decision importanta que, malgrat la polemica, es una victòria de las divèrsas associacions environamentalas qu’avián portat la peticion als elegits.
Los insecticidas enebits seràn categoritzats per l’ANSES (Agéncia Estatala de la Seguretat Sanitària e de l’Alimentacion). Que s’estima qu’amb aquela mesura, las abelhas seràn fòrça mai protegidas e poiràn pollinizar las flors sens problèmas e seguir lor procès natural.
Los agricultors qu’emplegan aquel tipe d’insecticidas son favorables a l’enebicion, mas pas abans lo 1r de setembre de 2021, e unicament se se tròba “d’alternativas seriosas als neonicotinoïdes per evitar que tornem als tractaments dels ans 90”. Los opausants a la mesura tanben crenhon “una distorsion de la concurréncia amb la Grand Bretanha e Alemanha”.
Ara lo tèxt de lei anarà al Senat francés los 11, 12 e 13 de julhet que venon, abans una adopcion definitiva pels deputats a la fin de julhet.
Se tracta d’una decision importanta que, malgrat la polemica, es una victòria de las divèrsas associacions environamentalas qu’avián portat la peticion als elegits.
Los insecticidas enebits seràn categoritzats per l’ANSES (Agéncia Estatala de la Seguretat Sanitària e de l’Alimentacion). Que s’estima qu’amb aquela mesura, las abelhas seràn fòrça mai protegidas e poiràn pollinizar las flors sens problèmas e seguir lor procès natural.
Los agricultors qu’emplegan aquel tipe d’insecticidas son favorables a l’enebicion, mas pas abans lo 1r de setembre de 2021, e unicament se se tròba “d’alternativas seriosas als neonicotinoïdes per evitar que tornem als tractaments dels ans 90”. Los opausants a la mesura tanben crenhon “una distorsion de la concurréncia amb la Grand Bretanha e Alemanha”.
Ara lo tèxt de lei anarà al Senat francés los 11, 12 e 13 de julhet que venon, abans una adopcion definitiva pels deputats a la fin de julhet.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Plan dit. E lo rendament qu’ei sustot ua maquina d’endeutà’s, ça’m par, en forçant los paisans a "investir" en engibanas carestiosas.
Non i a pas ua responsa unica. Las solucions que son multiplas segon lo terrenh e lo clima. Atau la policultura rasonada que permet a divèrsas ortalícias de s‘entreprotegir. Los césers qu’an ua feromòna qui atira los predators deus parasits de la tomata, etc. (n’ei pas aquò l’exemple exacte mes qu’ei lo foncionament generau). Véder tanben la polisilvicultura : casau + boscatge.
La productivitat? Fotiròlas, que’n produseishen ja de sobras. Dab las tonas de legumatge qui los supermercats e getan cada jorn, síim seriós, au triple mila diu vivant! Çò qui carré que seré d’arrevitar los circuits de proximitat, e començar per minjar çò de crubat, au lòc de v’ac fóter a las lordèras. Atau que daisharem d’importar tecons de Còsta d’Evòri, on consumeishen ta’us har viéner ua aiga qui seré miélher emplegada taus lors besonhs domestics.
Mes entà’c har encapir aus embeatits de la mondialèra qui seveishen a Brussèlas e Estrasborg… Parle à mon c—, ma tête est malade…
#4 E òc per pas chucar los agricultors tipe FNSEA e lors sacro-sants rendaments que sens los neonicotinoïdes, se ditz, baissarián de meitat ! Coma se los poders publics, coma se los agricultors, s'avián pas pogut cercar a l'avança de mejans autres non pas utilizar aquelas merdas de poison. Ai ausit qu'an tanben inventat de plantas que fròtjan envolopadas d'una pellicula d'insecticid (sabi pas coma) que, solide, tua totes los insèctes sens distincion ! Cossí an pogut autorizat una causa aital ?! Vesi que dempuèi las annadas 60-70, es la meteissa logica qu'es a l'òbra dins un cèrt mitan agricultural, lo del rendament a tot pretz per totes los mejans possibles, pauc impòrta l'environa, pauc impòrta la santat, lor quita santat e mai la santat de lors pròches, lors enfants.
Òc, enebit lo produch...mas per de qué esperar 2018 ? Leis abelhas contunharàn de morir d'aquel temps !
Òc-ben, mas an pas votat la taussa sus l'òli de palma per contra. Son pas que de tròces d'ipocritas !
Pr'aquò an pas enebit l'insecticida que tuèc l'occitan.!
Es estructural tot aquò..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari