Bandièra01 1180x150: Comuna de Tolosa

Actualitats

Victòria del Brexit: lo Reialme Unit quitarà l’Union Europèa

Escòcia e l’Irlanda del Nòrd an votat per i demorar. David Cameron a anonciat sa demission abans octòbre

Los partisans del Brexit an ganhat lo referendum. Los partisans de quitar l’Union Europèa se son impausats amb lo 51,9% dels vòtes, amb una fòrta participacion: un 72,2% segon las donadas oficialas.
 
Lo Reialme Unit demandarà lèu l’aplicacion de l’article 50 del Tractat Europèu per quitar l’Union Europèa. Aquel article especifica cossí un estat membre se pòt retirar de l’Union e definís un periòde de negociacions e de desconnexion de dos ans.
 
L’Union Europèa perdrà lèu un de sos estats mai importants e pòt far un pas enrèire fòrça grand. Jamai cap d’estat aviá pas abandonat las institucions europèas, e la decision dels britanics poiriá provocar quitament l'escrancament de l'Union Europèa, almens coma la coneissèm a l’ora d’ara.


David Cameron a anonciat sa demission

Lo primièr ministre britanic conservator, que faguèt campanha per lo mantenement del Reialme Unit, a anonciat que quitariá Downing Street abans lo mes d'octòbre.

 
 
 
 
 
Escòcia e l'Irlanda del Nòrd an votat per demorar dins l’UE
 
Per contra, en Escòcia, lo 62% dels vòtes èran per demorar dins l’UE. Aquò fa fòrça probable que se convòque immediatament un nòu referendum d’independéncia.
 
Tanben en Irlanda del Nòrd an votat majoritàriament, amb lo 55,8%, per restar dins l’Union.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Carlos Eth Hospitalet de Llobregat (Catalonha)
14.

#4

Ben, en Euròpa i an tostemp estat, mès ena UE... Vos dèishi a vosati es opinions.

  • 1
  • 0
Cafi
13.

#12 en conformitat ambe lo tractat de lisbòna inglaterra ten doas anndas per negociar la son eissida.
La banca d'inglaterra es a l'abroa d'eissir de la canhòta d'unes 327 milhards d'euros.
Al vist de la devalada de las plaças i a segurament de bonas afars que son de far.
França quilhada sul arpíus de mai en mai a l'abroa de fa quincanèla contunha de cantar son auròst....caldrà ben la sebelir un jorn çaquelá !
..
D'autres paísses se pauson questions : sortissem ? Sortissem pas ?

  • 4
  • 0
Cafi
12.

Cabús mondial sus las plaças financièras..... l'aur torna prener vam..
A paris las bancas èran reservadas a baissa tre la debuta....
La crotz occitana tota en aur 24 carats pren de mai en mai de valor....es de siègre...
Per l'ora passa de 20 000€ a 39 000€.
.

  • 4
  • 0
Jan l’Aisit
11.

La bona idea originau de l’edificacion europèa qu’èra de bastir un mond shens guèrras. Malurosament qu’esto destraviada per la manmesa de la màfia financèra sus l’economia e la politica. Aquesta U.E., infeudada aus banksters, non va pas enlòc (o si meilèu: que’n va dret de cap tà l’eishervic). Jamei non s’i hèn seriosament a adobar çò de problematic — desemplec endemic, delitada deus servicis publics, pojada deus fascismes, pollucion e crisi climatica… N’an pas qu’ua tinteina, desbastir tot l’edifici sociau — liberalizar, privatizar, uberizar, precarizar.
Quan heràn flambar la pòrta "for all the wrong reasons", los Brits qu’envian ua bèra pishada sus l’ahromiguèra parièr.
E adara qué ? Arren non cambiarà dinc e’ns deslagàstim deu neocapitalisme suberpredator, tuador de pòbles e desbarataire de societats (no’ns manquèva pas qu’aquò, de pro qui n’avèm dab la RépubliqueUneEtIndivisible).
E justament un empach màger tà tota reforma de la finança qu’èra la City… Be carré gahar l’escadença, que non tornarà pas de tira. Mes que’vs pòdetz estar en los escotaploja de Brussèlas entà contunhar com audavant.

  • 5
  • 0
Joan Combas
10.

Cal bastir una Occitània independenta dins una Euròpa sociala e democratica.
Mostrem-lor que valem mai que los extremistas britanics.

  • 6
  • 3

Escriu un comentari sus aqueste article