Bandièra01 1180x150: Comuna de Tolosa

Actualitats

Corsega: l’FLNC del 22 d'Octòbre avertís los “islamistas radicals” e ten l’estat francés per responsable dels atemptats

Lo grop armat còrs avertís que tota ataca jihadista aurà una responsa implacabla del temps que demanda a França que quite d’intervenir militarament en Iraq e Siria

Lo Front de Liberacion Nacionala de Corsega (FLNC) del 22 d'Octòbre a avertit los “islamistas radicals de Corsega”: “Tota ataca contra lo nòstre pòble coneisseriá de la nòstra part una responsa determinada sens cap d’estat d’arma”, segon un comunicat que publiquèt ièr dijòus Corse-Matin.
 
Lo grop armat còrs manda tamben un messatge a l’estat francés. “S’un drama se deviá produire en cò nòstre”, l’estat francés auriá “una part importanta de la responsabilitat car coneis los salafistas en Corsega”. En mai d’aquò, lo FNLC considèra que l’estat francés a una responsabilitat en rason de son intervencion en Iraq e en Siria. “Caldrà que França cèsse sa propension a intervenir militarament e voler donar de leiçons de democracia a la tèrra entièra s’ela vòl evitar que los conflictes qu’ela semena a travèrs del Mond tornen pas coma un boomerang sus son sòl”.
 
L’FNLC se fondèt en 1976 per revendicar l’independéncia de Corsega. De sa creacion enlà, se consagrèt a l’extorsion en exigissent lo dich “impòst revolucionari” als franceses continentals que vivián en Corsega, e tanben als pènegres, los repatriats d’Argeria qu’entre los ans 1958 e 1970 s’èran installats dins la planura orientala de l’illa. L'FLNC del 22 d'Octòbre n'es una branca creada en 2002.
 
En junh de 2014 anoncièt son intencion de depausar las armas “sens condicions”. Dins un comunicat publicat per qualques mèdias, lo grop independentista faguèt una crida als elegits de l’illa per “l’instauracion d’un nòu estatut negociat amb l’estat francés” e per la resolucion de l’afar dels diches “presonièrs e recercats politics”.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
9.

L'aclariment és bo, poden atacar l'estat francès pel que ells i d'altres han fet al Mon Àrab, però Còrcega, no és França, pèr tant no ataquen frança sinó Còrcega, i això val per tot arreu.
Els Àrabs molts no tenen consciencia nacional, no son d'un Pais sinó d'una creença, a mès religiosa, i això els buida de continguts, ideals i escrupols, no defensen res, nomès una idea religiosa.
I això es com dir res, a veure si pensen que les idees son bones, però que la Pàtria, és el que et dona força per viure.
Visca la Terra...Lliure !
"El Tàrrega".

  • 0
  • 0
JIG
8.

#5 E los accionaris que s’apoderan las sotadas deus emplegats, viven dab l’argent de qui? E lo lobby pretolèr qu’ei un junkie de dinèrs publics, viu dab l'argent de qui? Los milionaris, enqüèra mensh los miliardaris, n’ac son pas vaduts en "creant emplecs", senon en s’atraçant los milions e en se’us arrecaptant.
Mes los dinèrs publics que son vaduts escàs pr’amor d’ua rason màger, e perfèitament sabuda, qui èi aqueth pelierumi ne pagan pas mei impòsts.
La dreta arrabiada qu‘ei tostemps a ns’explicar que la sola usança legitima de l’argent public ei d’enriquir los rics au nom deu sidisent "Trickle Down Effect" qui ei ua engana notòria, com ac am vitz dab los miliards deu patronat, qui devèn servir tà crear un milion d’emplecs. La mondialèra thatcherista, de tant qu’a destrusit emplecs e hèit baishar los salaris, los quites estatsunidencs (parli deu pòble, pas deus capulats harvardicòlas) que son a ne s’avisar. Lo quite FMI qu’ac reconeish adara : lo Trickle Down qu’ei un haish de fotiròla.
Daishatz de repotegar contra l’Estat providéncia e de córrer tà l’espitau public tà hà’vs suenhar a gratis tot còp que’vs dòu un caishau.

  • 3
  • 0
Vendenhaire
7.

#6 Es un pauc simpla quela analisa... Los dau FLNC se baton pas contre lo quite adversari... Çò que se passa en França es pas tot parrèir coma en Espanha... Catalonha ten un 'statut d'autonomia qu'a pas Corseja ! Los dau FLNC an pas 'gut d'autras chausidas que prèner las armas per se faire entendre ! Catalonha a pas bresa de leiçon de donar a Corseja... Quau setz per parlar coma quò ?

  • 5
  • 1
ivan
6.

hauriem de donar una lliçó de democracia a l´fnlc la cup podemos i la resta de l´extrema esquerra.

  • 1
  • 7
ivan
5.

#4 la causa del fracas del socialisme es que un dia el diner des altres s´acaba.culpar l´estat frances pel terrorisme es desculpar es executors des atemptats pertant una cosa sectaria feixista i extremista.

  • 1
  • 6

Escriu un comentari sus aqueste article