Bandièra01 1180x150: Comuna de Tolosa

Actualitats

Lo libre nèir daus sindicats

Se sètz estats estrambordats per lo movement sociau contra la lei El Khomry legischatz pas aquò! Lo libre nèir daus sindicats es una enquèsta sens pietat. Conta per lo menut totas las derivas d’un sindicalisme sens militants, “fòra sòl”, luènh dau mond daus trabalhors, finançat per l’argent public, lo trafec e lo patronat. Tot aquò que put a la cosina!
 
Los autors parlan fòrça de la CGT e de FO ben segur per çò que son encara de sindicats poderós en mai d’èstre “istorics” mas es question de la CFDT e de la CFTC tanben. Aprenèm lo jòc fosc, pauc clar de cèrtas seccions CGT, FO o CFTC amb los islamistas per exemple o l’incompeténcia de sindicats dins la gestion de cèrts organismes paritaris. Los occitans trobaràn estonanta la manèira de la quau es gerit lo pòrt de Marselha per la CGT o los servicis tecnics e municipaus d’aquela vila occitana per FO. La CFDT collabòra totjorn amb los govèrns e lo patronat? Òc-ben! Mas FO e la CGT fa parèir dins fòrça circonstàncias. E jòga en borsa amb l’argent de las retiradas complementàrias en mai d’aquò!
 
Solament SUD pareis encara “pur”. Of! Encara n’i a un...
 
Pasmens, en fàcia d’un patronat au quau tots los govèrns dempuèi Pompidor an donat de dreits desmesurats (e profeita d’aquò amb talent e afogament!) avèm besonh de sindicats poderós e combatius, mas per aquò, chaudriá barrar lo robinet d’argent public e patronau tanben...
 
 
 
Fabien Lecuyer


 
LE SAINT, Rozenn, SEZNEC, Erwan. Le livre noir des syndicats. Ed. Robert Laffont. 384 pag. 21 èuros.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

manjacostel Murèth
9.

Vesi que i a pas que tres sindicats que luchan encara contra al poder de las bancas , o de las entrepresas mondialas e son la CGT, FO , SUD , per aparar los "avantatges" "aquesits" après de luchas terriblas . Aicí vesi que ne sèm tornats al nivèl del libre del De Closets qu' escriguèt lo famos , "Totjorn Plus" , que «plorava» de l'apetís « insadolabla dels salariats , un libre premonitòria qu'anonciava ( e preparava) lo caumatge de massa , la misèria , la fin de la "securitat sociala" per exemple , e a mai qu'anonciava la mesa en concurréncia dels trabalhadors de l'UE ambe los del tèrç monde . Fin finala dins lo fial drech del messatge de Reagan , de Tatcher , de JP Dos , la triada cargada de nos anonciar la duretat dels temps futurs.
Alara que lo pagament dels accionaris del Cac 40 aquesta annada tutèjarà a 340 miliards , qu'es un creis de mai de 10%. Aicí s' estúdia los avantatges dels paures : una vergonha d'analisi entacada de bestiesa.
Que l'argent contunha de rajar e los rics de s'enriquir mai que mai. Que 10% de la populacion tenon 80 % de tot . Doncas que nos trobem en fàcia d'una analisi garrèla , veire mespresabla, sens morala e sens pietat , una pigresa de la pensada , que cerca pesolhs ont n'i a gaire. .
Vertat que la CFDT es lo sindicat de futurs ministrablas e que signan tot , pus prompte que son ombra ( Lucky Lucke) , e que i a fòrça menaires de pertot , que profèitan de son sicut per s' emplenar las pòchas . Mas empacha pas que n'i pas qu'un sol de sindicat per far cagar los governaments d'esquèrra coma de drecha e es la CGT. Tot lo demai es pas que charradissas de putas sens praticas . A EDF ont avian arrancat lo drech de recaptar 1% de la chifra d'afar pels 300 000 trabalhadors o retirats , egal al 1% qu'anava als 2000 privatisats de 45 , cada annada los governaments de tota mena a baissat lo montant donat al CE ( 50 milions 'questa annada) .
Quora lo governament socialista nos passèt al regim general de retirada , EDF donèt 50 miliards d'euros de "soulte" e GDF 15 miliards , e ara son aquí los gelós que prechan que las entrepresas còstan cars , çò que mòstra plan que las colhas de l'an que ven son ja arribadas, de fach son pas jamai partidas.
Cal arrestar de lecar la man de son mèstra. Cal quitar de repapiar e de fantasmar sus aquela entrepresa e de mespresar los òmes e las femnas que trabalhan .
Cal saber qu'una majoritat de veusas tòcan a pro pena la mitat de retirada e se trapan mens de 1000 euros per viure cada mes .
Mas qu 'anetz vos endevenir quora auràn pas cap d'E(r)DF , ( vengut ENGIE), o de G(r)DF ( vengut Suez) per se passar los nèrvis e que vos trobaretz en fàcia de VINCI, BOUYGUES , PINAULT, NIELS e autres rofians al cap lo Goldman Sachs , lo Sorros , lo Buffet....
E ben se calaràn e tot serà vengut normal per tots e las vòstras paraulas vengudas inausidas, coma se passèt per «France Telecòm» .
E òc revelhatz vos «camaradas» , EDF GDF non existisson mai . Vos cal quitar de ressegar e de nos espetar, nos copar las brègas ( per pas dire mai) . Avètz capitat !!!! I a pus ren ! Plaça al privat !

Demòra pas qu'a la davalada , lo plaser de far cabuçar lo governament d"'esquerra" ambe son ennemic de las finanças , e de far l' acuèlh del governament de drecha que va arribar .


  • 8
  • 2
Lucian de Samosate
8.

se compreni ben, lei sindicats servon pas de ren, lei ,sindicats corromputs tocan de prebendas e son pas representatius,la CGT amb sei privileges a colat lo port de Marselha, ne faguent un port segondari, tant de turpituds ! conclusion : Lo MODEF es lo grand Satanàs que lei govèrns dempuèi Pompidor li an agut donat de drechs desmesurats e seriá doncas eu responsable.. coma o ditz lo muol un libre sanitos e malavisca, e que s'avaligon aquelei sindicats !

  • 3
  • 13
Ernèst Guevarra Jr.
7.

Aqueste libre enfonça pas que de pòrtas alandadas…

Quora l'aristocracia vegèt arribar los revolucionaris, aquèron páur. Quora vegèt arribar lo sufragi universal e los elegits dels pòbles, foguèt rassegurada pro rapidament. Non se pòt corompre un pòble. Non se òt crompar tot un pòble. Mas si que se podòn crompar sos elegits. E aqueles elegits maquèron pas de se daissar crompar, tant a esquèrra coma a drèita, gaireben totes. Perqué ne seriá estat autrament amb d'elegits dels trabalhaires ? Los espleitaires aguèron páur a l'aparicion dels sindicats. Mas tre que vegèron arribar los elegits sindicals, se diguèron que que los poirián crompar, e los crompèron gaireben totes (mai que mai durant las quarantas darrièras annadas per reagr, dins l'estat francés al mens, a las conquestas formidablas del Consehl Nacionala de la Resisténcia (darrièra gobernança realament esquerrista en França dempèi lo final de las segonda guèrra mondiala).

Coma o diriá l'autre dins sa bíblia mitologica, : "res de nòu jol solelh…".

Lo poder revolucionari non se delèga pas. Se compartís entre totes, a cada instant. Es per aquò que l'enemic reacionari ganha tostemp a la fin : es tant malaisit de demorar tostemps atentiu e actiu. E tre que nos volèm pausar, delegam, e nos fasèm colhonar. Trsite d'o dire, mas es de bon saber.

  • 5
  • 4
Joan Francés Blanc
6.

Parla dels autres sindicats minoritaris que poirisson lo clima social (coma lo MEDEF)?

  • 13
  • 3
Gerard Joan Barceló Pèiralata
5.

#4 L'article es redigit en auvernhat.

  • 3
  • 1

Escriu un comentari sus aqueste article