Actualitats
Besièrs: Ménard a lançat una campanha de calómnias contra Midi Libre
La redaccion del jornal mençonèt pas la reaccion del cònsol màger de Besièrs sus l’atemptat de Niça del 14 e julhet
Lo cònsol de Besièrs, Robert Ménard, es tornarmai lo protagonista d'un episòdi indigne d’un elegit democratic. Aqueste còp s’es servit dels servicis de la municipalitat per lançar una campanha d’afichatge calomniós contra lo jornal Midi Libre. La rason n'es que la redaccion del jornal mençonèt pas sa reaccion sus l’atemptat de Niça del 14 de julhet.
En plena fèsta taurina de Besièrs, nomenada Fèria, sas afichas apausadas a travèrs de tota la vila mòstran un can doberman que ten dins sa boca lo quotidian amb l’eslogan: “A qui aperten Midi Libre? A J.-M. Baylet, ministre. Totes les jorns l'info a l’estaca”.
Jean-Michel Baylet es un òme politic de Tolosa, president del grop mediatic La Dépêche, qu’ara es tanben lo ministre de l'amainatjament del territòri, de la ruralitat e de las collectivitats territorialas. Donc, amb aquela aficha, Ménard vòl clarament metre en question lo seriós, l’imparcialitat e la rigor del trabalh dels jornalistas qu’el a pas pogut contrarotlar.
La campanha de difamacion del cònsol besierenc es estada contestada per de nombroses legeires, qu’an mandat de messatges de sosten a la redaccion de Midi Libre, pels representants sindicals dels jornalistas, per divèrses mèdias coma France 3, e pel Club de la Premsa de Lengadòc-Rosselhon qu’a publicat un comunicat entitolat “Condemnacion dels atacs de Robert Ménard contra la premsa locala”.
Sosten de Goulamas’K
Goulamas’K, la banda de musica ska e rock de Puègserguièr (Besierenc), manifestèt d’un biais ironic e umoristic son sosten a Midi Libre, dins lo concèrt que faguèt a Besièrs, dins l’encastre de la Fèria.
En plena fèsta taurina de Besièrs, nomenada Fèria, sas afichas apausadas a travèrs de tota la vila mòstran un can doberman que ten dins sa boca lo quotidian amb l’eslogan: “A qui aperten Midi Libre? A J.-M. Baylet, ministre. Totes les jorns l'info a l’estaca”.
Jean-Michel Baylet es un òme politic de Tolosa, president del grop mediatic La Dépêche, qu’ara es tanben lo ministre de l'amainatjament del territòri, de la ruralitat e de las collectivitats territorialas. Donc, amb aquela aficha, Ménard vòl clarament metre en question lo seriós, l’imparcialitat e la rigor del trabalh dels jornalistas qu’el a pas pogut contrarotlar.
La campanha de difamacion del cònsol besierenc es estada contestada per de nombroses legeires, qu’an mandat de messatges de sosten a la redaccion de Midi Libre, pels representants sindicals dels jornalistas, per divèrses mèdias coma France 3, e pel Club de la Premsa de Lengadòc-Rosselhon qu’a publicat un comunicat entitolat “Condemnacion dels atacs de Robert Ménard contra la premsa locala”.
Sosten de Goulamas’K
Goulamas’K, la banda de musica ska e rock de Puègserguièr (Besierenc), manifestèt d’un biais ironic e umoristic son sosten a Midi Libre, dins lo concèrt que faguèt a Besièrs, dins l’encastre de la Fèria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Midi Libre que se fa tustar.Aquela m'en fa pas bolegar la mitat d'una! Jamai publiguèron un text en lenga nòstra e lor mespretz devèrs nòstra cultura es a la pagèla de lor incompetencia.Sul Menard val mai que me cale.
#1 Plan vist, l'ome. Ieu tanben ai pas mai de simpatia pel Ménard que pèl Midi "Libre". Los dos son pas que de de crancs que se chaplan entre-eles. L'un coma l'autre.
Aqueste senhér a pebrots de s'atacar al milionari qui a lo quasi monopoli de la premsa dins la region Occitània !
Coma tot fascista lo Ménard fa de paranòia. Ara, aquò me rapèla quand lo Midi Libre boicotava Frèche. Per la direccion del jornal, lo cambiament a la comuna de Montpelhièr èra una anomalia e lor amic Delmas anava tornar lèu. Aquò èra fòrça abans lo Vailet. O quand lo meteis jornal refusava de parlar de l'escandal de l'internat d'Aniana perque l'aumonèr pedofil èra amic de la Pompidou... N'i a a la CFDT que se devon sovenir que, informats pels trabalhaires del centre, arribavan pas a fa passar l'informacion dins lo jornal. Enfin, pas mai, si que non n'i a que se van pensar que soi amic del Ménard.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari