Bandièra01 1180x150: Comuna de Tolosa

Actualitats

L’estat francés a validat lo nom d’Occitània per la region centrala

Lo decret establís aquel nom sens l’apondon “Pirenèus-Mediterranèa” e establís que Tolosa n’es la capitala

| Maxime Raphael
Lo Conselh d’Estat a validat lo nom d’Occitània per la region centrala, quitament pas sens l’apondon “Pirenèus-Mediterranèa”. Atal o podèm legir dins un decret que sa data es lo 28 de setembre, ont vesèm tanben que Tolosa ven oficialament lo capluòc de la region.
 
Aquò es la fin d’un long procès per decidir lo nom d’aquela region, fruch de la fusion de Lengadòc-Rosselhon e Miègjorn-Pirenèus, que conten Lengadòc, de partidas de Gasconha e Provença e lo nòrd de Catalonha. La decision se basa sus lo procès ciutadan d’aquela granda consulta sul nom de la region, que lo nom “Occitanie” (Occitània) ganhèt, largament en obtenent lo 45% de las 203 993 personas que votèron.
 
Mas aquela denominacion a trobat una fòrta oposicion en Catalonha Nòrd, territòri non occitan de la region, e tanben dins una partida importanta del movement occitanista que remembra que la region concernida cobrís aperaquí lo 36% del territòri occitan e concernís solament lo 35% de sa populacion.
 
 
 

 
De nòvas e d’opinions restacadas, publicadas sus Jornalet:
 
28.09.2016. Opinion de Joan Loís Racouchot
“Occitanie” fruch de garrolhas picrocolinas, o problèma vertadièr?
 
24.09.2016. Opinion de Alem Surre-Garcia
Occitània: partida o totalitat?
 
12.09.2016. Nòva
12 000 personas a Perpinhan pel “País Catalan”
 
10.09.2016. Nòva
Lo PÒC e País Nòstre participaràn uèi a la manifestacion de Perpinhan pel nom de la region
 
24.08.2016. Nòva
Catalonha Nòrd: front comun d’associacions e d’elegits pel nom de la region “Occitània-País Catalan”
 
5.08.2016. Nòva
A escrich lo mot “català” (catalan) dins lo cèl per revendicar lo nom de la region
 
2.08.2016. Nòva
Lo nom d’”Occitània” per la nòva region centrala marca totjorn la polemica dins l’occitanisme
 
10.07.2016. Opinion de Gerard Joan Barceló
Omnia vincit amor
 
4.07.2016. Opinion de Domergue Sumien · Questions de lenga occitana
Lo sens istoric d’Occitània
 
24.06.2016. Nòva
La nòva region centrala d’Occitània se nomenarà “Occitània”
 
22.06.2016. Nòva
Nom de la region centrala: una peticion demanda que lo nom siá tanben en occitan
 
17.06.2016. Opinion de Joan-Peire Alari
De qué “Occitània” es lo nom?
 
16.06.2016. Nòva
Nom de la region centrala: “Occitanie” a ganhat amb un 45% dels vòtes
 
16.06.2016. Nòva
Nom de la region centrala d’Occitània: uèi se sauprà lo resultat del vòte
 
3.06.2016. Nòva
Region LRMP: consulta liceana pel nom
 
31.05.2016. Opinion de Joan-Marc Leclercq
Lo nom de la region, un còp de mès
 
28.05.2016. Opinion de Jean-Charles Valadier
“Occitanie” per avançar politicament
 
8.05.2016. Opinion de Gerard Joan Barceló
#OccitàniaCapitalaVielha!
 
7.05.2016. Opinion de Gerard Funés Martín
Tuar la nacion
 
7.05.2016. Nòva
Nom de la region centrala: comença uèi a Talteüll la campanha per “Occitània-País Catalan”
 
6.05.2016. Opinion de Nicolau Rei Bèthvéder
Vòti Occitània
 
28.04.2016. Nòva
Lo 9 de mai comença lo vòte pel nom de la region centrala
 
1.04.2016. Nòva
“Tolomont” serà lo novèl nom de la region de Tolosa e Montpelhièr
 
19.03.2016. Nòva
Lo nom de la region en Sud-Occitània
 
3.10.2015. Nòva
Lo pòble occitan se reconeis occitan
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Danièl
50.

#48
Pauròt, quitatz de far de generalitats amb l'occitanisme tolzan ! A Tolosa, tot lo mond es pas mercat a la Convergéncia Occitana !! Benlèu que se fan mens entendre, mas d'unes que i a a Tolosa son pas d'afogats del nom novèl de la region. Mas me demandi se sètz capable d'o entendre ...

  • 10
  • 14
Emmanuèl Isopet
49.

#48 Cresi que çò que sentissètz coma « pretencion descomplexada » es benlèu la de qualques occitanistas, mas doblidetz pas (me crebi a o tornar dire) que son pas los occitanistas (malurosament) que mobilizèron 100 000 personas (la pròva, la màger part d'aqueles que denonciatz son estabosits de la resulta). I a un vertadièr moviment popular (représ per de politics, evidentament). E de segur lo « popular » se sentís occitan (o tròban aquò « polit » coma me diguèt una collèga) sens aver en cap los problèmas dels occitans fòra las termièras administrativas.
Mai bon, vau arrestar de tornar dire las meteissas causas que me van encara tombar dessús coma se foguèssi un vailet (sens jòc de mot) dels illuminati-occitanistas-tolosencs !
Bona serada e bona setmana.

  • 9
  • 7
Felip Maurici
48.

#46
Anem pas virar l'entorn de la topina encara de temps... çò que voliá denonçar es lo fait que lo pus mai daus occitanistas de Tolosa se compòrtan ambè Occitània d'un biais tant pretensiós coma zò fan d'uns Parisencs ambè la resta de l'Estat francés, qu'en sosténer quela chausida mandan aus autres occitanistas, fòra LRMP, lo senhau clar que l'avenir d'Occitània se pòu màs decidir en lengadòc. E disiá «novèlh» que dempuei la debuta d'aquela campanha, tròbe qu'aquela pretencion es mai «descompexada»...

  • 13
  • 19
Danièl
47.

#41
Mon messatge es estat considerat inapropriat !?! Pr'aquò, ai legit de comentaris mai violents aicí. Per exemple, lo del catalan de Perpinhan que compara la situacion amb la del Kosovo !!!!!!! Benvengut en çò dels falords ! Òc, benvengut a Caissiòls.

  • 6
  • 8
Emmanuèl Isopet
46.

#45 Un centralisme nascut dempuèi la debuta d'aquela campanha ??? M'esclafi. Fa un brave moment que i a un « Toulouse et le désert Midi-pyrénéén ». Tolosa 400 000 abitants, Montalban, segonda vila a pro pena 60 000… conclusion ? Bon, ara i a la dinamica Montpelhièr.
Mas espèri que pensatz pas qu'aqueste tipe de centralisme (centralizacion dels poders politics, economics, demografics, culturals, …) siá recent o ligat en qué que siá a la causida del nom de la region. Es un centralisme ancian, ligat a la politica de… decentralizacion. París e los elèits locals aparisenquits an de mal a pensar « delocalizacion » sens bastir de centres novèls (s'apelava de « metropòlis d'equilibre »).
En tot cas, la region s'apelèsse « Pyrénées-Méditerranée » o « Garona-Les-Pays Catalan » o que te sabi, auriá pas cambiat res al centralisme que qualificatz de « novèl ».

  • 13
  • 7

Escriu un comentari sus aqueste article