Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranQuate Lòcs

Bossòst: salvaràn las pinturas goticas de la glèisa de la Purificacion

S’agís de pinturas del sègle XV de caractèr excepcional. Se sèrvan dins lor emplaçament original dins un estat avançat de degradacion

Las pinturas de la glèisa de la Purificacion de Bossòst (Val d’Aran) seràn salvadas après que se serà confirmat lor caractèr excepcional. S’agís de doas scènas, una sus l’Epifania e l’autra sus Jèsus Crist al Temple de Jerusalèm, que se tròban sus una paret. Son plan paucas las pinturas goticas de las glèisas dels Pirenèus que se sèrvan dins lor emplaçament original, e mai se lo servici del patrimòni cultural de la Generalitat de Catalonha n’a confirmat l’excepcionalitat.
 
“Es tecnicians elabòren un arrepòrt entà avalorar era restauracion pr’amor que se tròben en un estat auançat de degradacion”, çò diguèt a Segre lo cònsol màger de la vila aranesa, Amador Marqués.
 
Aué TV n’ofrís un reportatge:
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bernat MM Tarba Bigòrra
2.

#1 Adishatz ! Ça'm par qu'èi mau comprès era frasa. Se i auerià a puprès 13 773 "monuments istòrics franceses" en Occitània ?
Non pensaui pas tant !
Segur qu'ei plan francès eth castethnau de Baiona, bastit per Louis XI entà mantier eth son poder despush dera conquesta dera vila.
Autant plan francesa era catedrau de Montauban de carcin, desmostrant era "révocation de l'édit de Nantes" en aquera ciutat calvinista, e çò madeish deth fort d'Alès.
Ben francesas totas aqueras fortificacions monumentalas de Briançon, deths pòrts de Tolon e Marselha, tostemps entà servir eth poder deths sons reis.
Grand monument francés qu'ei era imensa estatua dera Vierja sus era ròca, en sus Lo Puèi en Velai, hèita deth bronze honut deths canons presis a Sebastopòl (entà plaser an'aquera beata d'Eugenia de Montijo, imperatriç deths francesis). Urosament que a pòquis metres auath i podem visitar un deths amàs de monuments occitans (d'auants dera conquesta franca !) medievaus deths segles Xau ath XIIau deths mès arremercables de tota Euròpa.
Era glèisa de Bossòst, com totas eras autas d'Aran que son estranhas ara idea de "monuments istòrics franceses". La de Bossòst sauva, mielhor qu'eras autas, era estructura de ua glèisa romanica deth abescat de Comenge (era soleta damb eth lausat d'origina, en tot era vath) damb ua aportacion d'era arquitectura catalana de Ribagorça-Boí que son eras pilas cilindricas.
Un clinhet d'uèlh entà acabar : aquera de Bossòst que serà ua deths pòquis "monuments istòrics occitans" presentat en ua television peth son cònsol que parla en occitan, sense pensar qu'ac poderià hèr de bèra auta manèra ;-)

  • 0
  • 0
Lo Muòl apraquital
1.

Occitània es aperaqui 13 773 monuments dins la tièra dels monuments istòrics franceses......
De qual n'en parla ? degun !
òscà !

  • 5
  • 0

Escriu un comentari sus aqueste article