Actualitats
Ebru Firat, l’occitanocurda empresonada en Turquia, escriu a François Hollande
Encarcerada dempuèi l’8 de setembre passat, l’estat turc l’acusa de terrorisme per aver combatut l’Estat Islamic del costat del PKK. Firat demanda a Hollande que sollicite lo transferiment dins una preson francesa
Ebru Firat ven d’escriure una letra a François Hollande, en demandant que lo president francés sollicite son transferiment dins una preson francesa. La gojata occitanocurda a lo ciutadanatge francés e turc e es encarcerada en Turquia dempuèi l’8 de setembre passat, acusada de preparar un atemptat kamikaze. Al moment de son arrestacion, a l’aeropòrt Atatürk d’Istambol, Firat èra a mand de tornar a Tolosa après aver combatut l’Estat Islamic en Rojava al costat del PKK.
“Vos demandi, Sénher President, a mon arribada, d’èsser empresonada dins mon país e pas aicí”, çò ditz Firat dins sa letra. “Vos prègui, Sénher President, de demandar a l'estat turc mon transferiment en França, e de donar pas la libertat e l’escasença a l’estat turc de prene de volontaris franceses e d’autres europèus en preson, per aver participat amb los grops curds al combat contra l’enemic mondial”, çò precisa dins aquela letra, que La Dépêche publica integralament.
La situacion es pas gaire encoratjanta per la jove encarcerada. E mai s’a dos passapòrts, lo turc e lo francés, lo contèxt de Turquia après l’endurciment del regim consecutiu al còp d’estat mancat es fòrça complicat. La premsa “oficiala” turca a difondut dempuèi sa detencion d’imatges d’Ebru Firat al costat de responsables del PKK en la nomenant “Amara”, coma se foguèsse un nom de còde terrorista.
Ebru Firat aviá estudiat la medecina a Tolosa e just abans son arrestacion alestissiá un reportatge suls milicians que combaton l’autoproclamat Estat Islamic. Arribèt a Rojava (lo Curdistan de l’estat sirian) en 2005 per ajudar a combatre l’Estat Islamic. Es alavetz que rescontrèt una còla de France 2 per un reportatge suls “franceses que se baton contra Daesh”. En aquel reportatge, la nomenavan Célina per de rasons de seguretat.
Sostens
En octòbre passat, lo cònsol de Tolosa, Jean-Luc Moudenc, e los presidents dels conselhs departamental e regional, escriguèron una letra al ministre dels afars exteriors francés, Jean-Marc Ayrault, per l’interpelar sul sicut.
Tanben los estudiants curds de França lancèron una peticion per sa liberacion que deviá èsser remesa a François Hollande e Manuel Valls, qu’alavetz èra lo primièr ministre. Mas la letra arribèt pas a destinacion. Caliá 100 signaturas e n’amassèt 99, çò rapòrta Actu Côté Toulouse.
Mentretant, son avocata a bandit un culhiment de sòus sul sit Leetchi per assegurar los còstes ligats a sa defensa e lo melhorament de sas condicions de detencion.
“Vos demandi, Sénher President, a mon arribada, d’èsser empresonada dins mon país e pas aicí”, çò ditz Firat dins sa letra. “Vos prègui, Sénher President, de demandar a l'estat turc mon transferiment en França, e de donar pas la libertat e l’escasença a l’estat turc de prene de volontaris franceses e d’autres europèus en preson, per aver participat amb los grops curds al combat contra l’enemic mondial”, çò precisa dins aquela letra, que La Dépêche publica integralament.
La situacion es pas gaire encoratjanta per la jove encarcerada. E mai s’a dos passapòrts, lo turc e lo francés, lo contèxt de Turquia après l’endurciment del regim consecutiu al còp d’estat mancat es fòrça complicat. La premsa “oficiala” turca a difondut dempuèi sa detencion d’imatges d’Ebru Firat al costat de responsables del PKK en la nomenant “Amara”, coma se foguèsse un nom de còde terrorista.
Ebru Firat aviá estudiat la medecina a Tolosa e just abans son arrestacion alestissiá un reportatge suls milicians que combaton l’autoproclamat Estat Islamic. Arribèt a Rojava (lo Curdistan de l’estat sirian) en 2005 per ajudar a combatre l’Estat Islamic. Es alavetz que rescontrèt una còla de France 2 per un reportatge suls “franceses que se baton contra Daesh”. En aquel reportatge, la nomenavan Célina per de rasons de seguretat.
Sostens
En octòbre passat, lo cònsol de Tolosa, Jean-Luc Moudenc, e los presidents dels conselhs departamental e regional, escriguèron una letra al ministre dels afars exteriors francés, Jean-Marc Ayrault, per l’interpelar sul sicut.
Tanben los estudiants curds de França lancèron una peticion per sa liberacion que deviá èsser remesa a François Hollande e Manuel Valls, qu’alavetz èra lo primièr ministre. Mas la letra arribèt pas a destinacion. Caliá 100 signaturas e n’amassèt 99, çò rapòrta Actu Côté Toulouse.
Mentretant, son avocata a bandit un culhiment de sòus sul sit Leetchi per assegurar los còstes ligats a sa defensa e lo melhorament de sas condicions de detencion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pels mals de cap amb la politica turca, vos cal prene una pastilha d'Erdogan matin, miègjorn e ser.
Cal que lo govern francès la defense e que demanen que la tornen coma ciutadana francesa qu' és.
Es occitan(=pòt s'identificar a Occitània) lo/la que viu/a viscut/vòl viure en Occitània, independentament de sa naissença, sas cresenças o son sèxe.
Se perdèm aquò, perdèm la nòstra arma.
Cresi que compreni las doas posicions ; mas efectivament es la sola a se poder determinar. Cresi qu'es tan maladrech de li pegar una identitat occitana que vòl benlèu pas que seriá inadmissible de li denegar aquesta identitat se la proclamèsse. 1 pertot ; esperam la concernida per anar mai luènh dins lo debat !
Aprèp caldrà esclairar lo debat « moissaguesa » o « mondina » ?
Lançam lo debat sus Cohn-Bendit ? Qual li demanda ?
#3 A drech de si sentir pas occitana (mai quau sap çò que ne pensa?), mai, per ieu, de la presentar come occitana es una maniera de li dire que, nascuda e aguent viscut en Occitània, es de nòstre país se vòu. La bandirem pas d'en cò nòstre per de rasons identitàrias ò de sang. Occitània se duerbe en totei, e cresi qu'es lo messatge de l'occitanisme de totjorn...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari