Bandièra01 1180x150: Comuna de Tolosa

Actualitats

D’ensenhaires d’Aran, de Marjarida e d’Aòsta per l’educacion al desvolopament durable

S’amassan aquesta setmana a Carcassona dins l’encastre d’un projècte "Erasmus +" portat pel CIRDÒC, dins l’encastre de l’educacion en occitan e arpitan

| Benjamin Assié
D’ensenhaires occitans d’Aran e de Marjarida, e d’ensenhaires arpitans d’Aòsta, son aquesta setmana a Carcassona dins una seminari per l’educacion al desvolopament durable. Après la sesilha que se tenguèt en Aòsta en octòbre passat, ara los ensenhaires trabalhan aquesta setmana en Lengadòc a l’entorn del desvolopament durable via la creacion de jòcs numerics, e la gestion d’un sit toristic dins la dimension durabla. La particularitat es que s’agís de professors plurilingües que donan lors corses dins las lengas autoctònas de lors païses, es a dire occitan e arpitan.
 
Aquelas sesilhas son possiblas gràcias a un projècte "Erasmus +" portat pel CIRDÒC sus “l’educacion al desvolopament durable dins nòstras lengas”.
 
Lo projècte, que finirà en mai de 2018, aurà son rendètz-vos venent en Aran, durant la davalada que ven. I participan l’Escòla Garona de Vielha (Val d’Aran), lo collègi Marcel Pierrel de Maruèjols (Marjarida) e l’Istituzione scolastica Valdigne Mont-Blanc-Morgex de la Val d’Aòsta. 
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pèire
2.

Aosta o Aòsta?

  • 1
  • 1
lachaud
1.

Los ensenhaires son totjorn los ussards de la Republica. L'òm se sovent que son estat los melhors per ensenhar lo frances e mesprisar l'occitan. Uei, an chausit dos temes : lo developament durable e lo torisme; dos temes que son propageats per los économistes que pensan qu'Occitania es mas una zòna toristica. Developament durable quò vòl ren dire. Depend de çò que las multinacionalas volan bian laissats.

Uei, i a belcòp de criticas de l'ensenhament que l'òm vòl pas veire. I a lo libre de Celine Alvarez ;" les lois naturelles de l'enfant - edicions les arènes". Mas, far de la propaganda per aquel libre quò es lo far rejetar per aqueus qu'an paur dau cambiament.

L'istòria de Montségur esperera; Pertant Montsegur es la clau de la liberacion daus occitans. Quò es una desfacha qu'an enguera de la repercussion en occitania. Vivam totjorn dins un sistem religios nascut de l'inquisicion, qu'a fach daus petits dins la ierarchia scolaria e politica e d'un sistem centraliste, autoritari. Mas catam -zo!

  • 5
  • 6

Escriu un comentari sus aqueste article