Bandièra01 1180x150: Comuna de Tolosa

Actualitats

Argeria: se pausa la primièra pèira d’un sit de Total a Oran

La societat francesa i produirà 40 000 tonas de lubrificants per an

| Laurent Vincenti
Se tendrà uèi a Oran (Argeria) lo pausament de la primièra pèira d’un sit de la societat francesa Total que produirà e confeccionarà de lubrificants, amb una capacitat de 40 000 tonas per an. La primièra pèira serà pausada pel primièr ministre argerian Abd Al Malek Sellal amb la preséncia de membres del govèrn e de l’administrator delegat de la division dels lubrificants de Total en Argeria, Berard Carbo, çò rapòrta Geopolítica.cat, que cita de mèdias argerians. Amb aquel sit, lo país nòrd-african cèrca de reduire sas importacions de lubrificants.
 
Aquel eveniment arriba una setmana après l’acòrdi entre la societat francesa Total e la societat estatala argeriana Sonatrach per enfortir la collaboracion entre las doas societats. L’acòrdi en question se signèt lo 10 d’abril passat entre lo president executiu de Sonatrac e lo director general de Total.
 
L’enfortiment de l’associacion entre las doas societats prevei l’aument de la cooperacion dins de nòus projèctes dins lo sector del gas natural (dins lo centre-oèst d’Argeria), la contunhacion de l’operacion conjoncha dins lo jaç  de gas Fouye Tabankort (dins l’èst), lo començament d’un nòu plan per resòlver los conflictes entre las doas companhiás. L’acòrdi tanben melhora la collaboracion dins d’autres domenis, dont l’exploracion, la petroquimia e l’energia solara.
 
Las relacions entre las doas societats se degalhèron en mai de 2016, quand Total faguèt una demanda a la Cort Internacionala d’Arbitratge de Genèva per reclamar una indemnizacion de centenats de milions de dolars en responsa a la nòva lei argeriana qu’impausava un impòst suls ganhs extraordinaris de las entrepresas estrangièras installadas en Argeria.
 
De son costat, l’estat argerian per mejan de Sonatrach aviá denonciat Total a la meteissa cort per aver pas complit un acòrdi signat entre las doas societats, ont Total s’engatjava a desvolopar lo jaç de gas d’In Salah, a Ahnit, dins lo sud del país.
 
 
abonar los amics de Jornalet
 
 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo punt de vista de Sirius
1.

te, aqueu de cop ! una multinacionala subre-impausada per lo govèrn d'un estat que s'alia amb una societat nacionalizada qu'ailà ,en Argeria arriban pas a faire de lubrificants. E zou mai, una malafacha d'Allah lo tot-poderos e lo misericordios que reclama l'exlusivitat de l'intelligéncia e dau gaubi uman pèr lo servir , far lei cinc preguieras quotidianas, lo ramadam, lo sacrifici biblica de l'anhèu, lapidar lo diable e autras supersticions qu'empachan l'ome de progressar

  • 4
  • 4

Escriu un comentari sus aqueste article