Bandièra01 1180x150: Comuna de Tolosa

Actualitats

Macron a nomenat Édouard Philippe primièr ministre de França

Èx-militant socialista e cònsol màger de Le Havre per Los Republicans, Philippe fa partida del sector moderat pus pròche de l’èx-primièr ministre Alain Juppé

Lo president de França, Emmanuel Macron, a nomenat Édouard Philippe primièr ministre. O anoncèt ièr après la ceremònia de passacion de poder, e abans partir en Alemanha per rescontrar la cancelièra Angela Merkel. Es lo primièr còp après la guèrra que lo president de França elegís volontàriament un cap de govèrn qu'aperten pas a son partit.
 
Èx-militant socialista e cònsol màger de Le Havre per Los Republicans, Philippe fa partida del sector moderat pus pròche de l’èx-primièr ministre Alain Juppé. A sos 46 ans es avocat, e la compausicion de son govèrn se coneisserà uèi.
 
Amb lo nomenament de Philipe, Macron vòl far la contrapartida als èx-deputats socialistas jonches al movement de Macron, fàcia a las eleccions legislativas de l’11 e del 18 de junh en tot cercar d’alargar sa basa electorala.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
3.

Dos enarcas a las manetas. Es a dire dos logicièls formatats, coma se ditz dins la novlenga, d'una institucion qu'a fach pròva de son ineficacitat. En mai d'aquò, nos dison que lo Philippe es estat de la còla d'Areva. Se lo Nicolas Hulot accèpta qualque ministèri verd-jaune, es qu'es un piòt. Enfin, competitivitat, productivitat, ressorgas umanas, una trilogia que coneissèm pla. En parlar franc: asirança, agotament-pollucion de la planèta, expleitacion de los d'en bas a otrança. E la mediaesfèra bocabadanta davant la tecnoestructura que se bota en plaça. Sèm polits!

  • 2
  • 0
Lo Muòl Carpan city
2.

Ah los trecimacís de la politica.....

Eissits per la pòrta tornan pel finestron.... Los òmis pòdon cambiar lo fond el damòra çò parièr !

  • 3
  • 0
chauchar dins la fanga
1.

ço que vou subretot es d'espetar lo partit "les republicains" coma ven de menar au cementeri lo partit socialista, veirem se capita. entremieg, un concert de laus acompanha lo cap de l'estat dins lei mediàs e per reprene lo terme trobadoresc, los lausengiers (flatteurs) son tan nombros coma un chin a de nieras, ieu ai trobat un defaut dins la cuerassa : E.Macron ei longanha (lent) la nominacion dau premier ministre anonciada per la ,matinada se faguèt a doas oras e mieja de l'apres-miegjorn, qu'entanterin auriam agut lo temps de tuiar un ase a cops de figas

  • 4
  • 0

Escriu un comentari sus aqueste article