Bandièra01 1180x150: Comuna de Tolosa

Actualitats

Suécia clava la procedura contra Julian Assange

Assange viu refugiat a l’ambaissada de l’Eqüator a Londres dempuèi 2012 per evitar l’extradicion

Lo ministèri public suedés decidiguèt divendres passat de clavar l’enquèsta contra lo fondador de Wikileaks, Julian Assange, per un presumit afar de viòl. La procedura se dobriguèt en 2010.
 
La procuraira en cap, Marianne Ny, diguèt divendres dins una conferéncia de premsa, qu’après èsser interrogada pel procuraire eqüatorian Wilson Toainga, amb un qüestionari redigit per Escocòlme, e gràcias a un acòrdi juridic entre l’Eqüator e Suècia, las possibilitats de manténer la procedura dobèrta èran agotadas. Pasmens, Ny diguèt que l’enquèsta se poiriá tornar dobrir s’Assange tornava en Suècia abans l’an 2020, çò es quand lo delicte serà prescrich.
 
Assange viu refugiat a l’ambaissada de l’Eqüator a Londres dempuèi 2012 per evitar una possibla extradicion devèrs Suècia. En mai d’aquò, a paur d’èsser liurat als Estats Units, son país d’origina, ont risca d’èsser condemnat a mòrt per aver publicat sus Wikileaks de documents secrets.
 
 
 
 
 
En conéisser la decision de la procuraira suedesa, Assange publiquèt sus Twitter una fòto d’el ont sorisiá.
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma
4.

La pentagona e la cia lo cercan per haver revelat los assassinats de l'exercit a las guerras invasoras.

  • 2
  • 0
Guilhèm Thomas Tolosa
3.

#1 La "ratapenata" foguèt un excellent jornal niçart. Se Jornalet s'en aprochava fariá pas que se melhorar.

Mas a vos, efectivament, podèm res vos amagar : Jornalet es l'organa, occitan, de la CIA, e lo capredactor, son agent doble.

Damned ! Trump, te cal far mèfi ! Jornalet es aquí e te farà tombar !

  • 4
  • 0
Pirolet
2.

Enfin, èra ora! A plan rason l'inspector Walander: Suèda es pas Pampaligòssa! Emai la nos vòlon vendre sovent coma modèl.

  • 2
  • 0
écr.l\'inf. (Voltaire)
1.

lo jornalet rata-penada,d'un costat amb seis alas fai lo laus d'Assange qu'a revelat lei secrets de la CIA per lo ben de l'umanitat -operacion nomenada Wikileaks- e de l'autre amb son cos de mamifèr e de garri patolha dins l'aiga fangosa dei maniganças de la la CIA contra Trump que visan a lo descreditar. Question : onte s'amata l'enemic ? cu a rason ?

  • 3
  • 5

Escriu un comentari sus aqueste article