Bandièra01 1180x150: Comuna de Tolosa

Actualitats

Manchester: tragèdia durant un concèrt d’Ariana Grande

Lo bruch d’una o doas explosions auriá provocat la panica. Se parla de 19 personas mòrtas e de 50 nafradas, e seriá un acte terrorista, condemnat per la primièra ministra britanica

| @WillMcHoebag
Un drama s’es debanat a l’estadi Manchester Arena aqueste diluns de ser pendent lo concèrt de la cantadora estatsunidenca Ariana Grande. Segon las primièras informacions que nos son arribadas, lo bruch d’una o de doas explosions auriá provocat la panica en causant divèrses mòrts e ferits; ara serián respectivament 19 e una cinquantena.
 
En seguida, la polícia a evacuat e barrat la gara de Manchester Victoria, qu’es pròcha de l’estadi ont s’es debanada la tragèdia.
 
Segon lo Mirror, la panica l’a provocada lo bruch d’una explosion, semblable al d’una bomba o de tirs. D’autres mèdias avián soslinhat que seriá una pana als naut-parlaires, mas ara la polícia parla d'"una ataca terrorista", condemnada coma "un acte espaventable" per la primièra ministra britanica Theresa May. La polícia de Manchester confirma sus Twitter qualques mòrt e plusors ferits, e demanda a la populacion qu’evite la zòna.
 
Qualques usatgièrs fan virar suls rets socials de vidèos dels moments de la tragèdia:
 
 
 
 
E un usatgièr a enregistrat lo bruch de “l’explosion”
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Luis Mariano Liverpool
4.

Quina publicitat per una cantaira nullassa e fins ara desconeguda.

  • 14
  • 3
Francesc Palma
3.

L'intencion del terrorista es perquè viu en guetos marginal. La reivindicacion de l'atemptat per l'EI es per un altre motiu, qu' el Regne Unit foguet qui organizet los mercenaris (juntament amb la cia e la pentagona, e Arabia Saudita) perquè anassen a Siria i ara los han abandonat. Se non s'acaba d'una punhetera vegada amb l'EI açò non s'acabarà jamai.

  • 3
  • 0
Lo Cagadiu
2.

Non non non non non. Es evident qu’es la fauta dels islamofòbes e de Charlie Hebdo.

  • 2
  • 11
Lo Muòl Carpan city
1.

22 mòrts e 59 nhafrats, demest los mòrts e nhafrats se comptan mainatges.,
La policia confirma un acte de terrorisme suicide, per un terroriste isolat..
Per l’ora l’identitat del terroriste es desconeiguda del public, semblaria èsser coneiguda de la policia.

Es lo 6n aptemtat desempuèi 2005 dins granda bretanha

1- 7 de julh 2005 metro de londres e bus 56 mòrts e 700 nhafrats
2- 30 de junh 2007 aéropòrt de Glasgow 1 mòrt + un aptentat a Picadilly Circus mancat
3- 22 de mai 2013 a londres un soldat escotelat 1 mòrt
4- 5 de decembre 2015 metro de Leytonstone 2 mòrts
5- 22 de mars 2017 parlament de Westminster 5 mòrts
6- -22 de mai 2017 Manchester 22 mòrts 59 nhafrats

Un òme es estat arrestat, saria en ligam ambe lo terrorista.
Segond la lei contra lo terrorisme, èsser al fial de l’alestiment d’un aptentat, e n’en fa pas denoncia, vos fa complici dels terroristas.

L’estat islamic ven de revendicar l’aptentat.

  • 4
  • 0

Escriu un comentari sus aqueste article