Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaVencenc

Lo festenal de cinèma de Canas festeja son 70n anniversari

Dempuèi dimècres passat e fins a dimenge que ven, la vila provençala de Vencenc aculhís un dels festenals pus prestigioses del Mond, creat en 1939

| L. VENANCE / AFP / Festival de Cannes
A luòc dempuèi dimècres passat, 17 de mai, lo festenal de cinèma de Canas (Vencenc), qu’ongan festeja son 70n anniversari. L’eveniment comencèt amb lo passatge sul tapís roge de las actrises mai internacionalas del cinèma francés, Marion Cotillard e Charlote Gainsbourg, que son las protagonistas del filme qu’inaugurèt l’edicion d’ongan: Les fantômes d’Ismaël. De mai, sus aquel celèbre tapís marchèron d’actors e de directors fòrça coneguts coma Clint Eastwood, Michael Haneke o Nicole Kidman.
 
Eastwood i faguèt un parladís sus sa longa carrièra a prepaus de las dificultats que rescontrèt al començament e de son filme de culte Unforgiven (Imperdonable). Haneke, qu’a ja ganhat doas Palmas d’Aur al festenal provençal, poiriá ongan ganhar sa tresena amb son nòu filme Happy End (Fin Aürosa).
 
 
De polemicas amb Netflix
 
Mas Canas a començat ongan amb una polemica inedita. La plataforma de television Netflix i a presentat dos filmes, que solament los farà veire a travèrs de sa plataforma. D’esplechaires de cinèma de tot l’estat francés planhon que lo festenal aculhisca de filmes que se poiràn pas mostrar dins las salas de cinèma. Tanben lo president de la jurada, Pedro Almodóvar, se manifestèt dins aquel sens. “Las nòvas plataformas devon assumir e acceptar las nòrmas ja existentas”, çò diguèt lo realizaire espanhòl dins sa conferéncia de premsa a l’inauguracion de l’eveniment. “Seriá per ieu una granda paradòxa que la Palma d’Aur d’aqueste festenal de Canas, e quin autre prèmi que siá, se poguèsson pas veire dins las salas de cinèma”, çò precisèt.
 
E mai se l'organizacion del festival a ensajat de negociar amb Netflix fins al darrièr moment, a pas atench un acòrdi. Per aquela rason a anonciat qu’a partir de l’an que ven, las condicions seràn mai claras: i poirà pas participar cap de filme que se pòsca pas veire dins los cinèmas.
 
Creat en 1939, lo Festenal Internacional de Cinèma de Canas es un dels mai prestigioses del Mond. Cada an se ten a la fin del mes de mai dins la vila provençala de Vencenc, e ongan se debana del 17 al 28 de mai.
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Donacian Auvèrnhe
6.

Ne'n deuriem pas gis parlar d'aquelh festenau vergonhós... Lhi fai gis besònh de reclama ! Avem pas d'autras iniciativas culturalas mai enteressantas de promòure vès nosautes en plaça d'aquela grand messa vanitosa de la parisencalha ?

  • 2
  • 0
Ricòrd
5.

#4
70 ans qu'un festenal que se debana en còr d'Occitània se chauta de la lenga dau país?

  • 7
  • 0
Ricòrd
4.

Cadun lei sieus prioritats...
Robèrt comprés.

http://www.nicematin.com/vie-locale/robert-de-niro-sengage-contre-la-destruction-des-restaurants-de-plage-sur-la-cote-dazur-139994

  • 1
  • 0
Gèli Grande Lairac en Agenés
3.

#1
Sens oblidar que lo Pedro Almodovar es un espanholista ferotge.
Aguèt de paraulas de las violentas contra l'independentisme catalan.
Aquò me sufis per anar pas veire sas peliculas quand sortisson en sala escura.

  • 4
  • 1
E Passa Que T Ai Vist Lo Clapàs (Montpelhièr)
2.

La parisencalha ricassa en passejada dins son terrenc de jòc : la Côôôôtttt. E i convida la jet-set mondiala per melhor s'encrèiser. Vosautres pacans sètz convidatz a vos n'esbaudir e aplaudir.

  • 11
  • 0

Escriu un comentari sus aqueste article