Bandièra01 1180x150: Comuna de Tolosa

Actualitats

Tolosa: lo cap dels identitaris condemnat a la preson per l’agression d’un estudiant

Los agressors foguèron expulsats de la manifestacion per la lenga occitana, e dins la nuèch agarriguèron un estudiant chilen que gardarà de sequèlas tota sa vida

Clique aviá negat èsser l’autor del còp davant lo tribunal correccional de Tolosa lo 27 d’abril passat, mas los jutges an pas retengut sos arguments en tot considerar mai cresables los dels testimoniatges
Clique aviá negat èsser l’autor del còp davant lo tribunal correccional de Tolosa lo 27 d’abril passat, mas los jutges an pas retengut sos arguments en tot considerar mai cresables los dels testimoniatges | iaata
Lo tribunal correccional de Tolosa condemnèt dimars passat Matthieu Clique, èx-menaire tolosenc del movement ultradrechista Blòc Identitari a trenta meses de preson, dont dotze amb sosta. L’an declarat colpable de l’agression de l’estudiant chilen Manuel Andrés Pardo. Los faches se passèron dins lo Quartièr Naut Bernat, dins la nuèch del 31 de març de 2012, qualques oras après que la Ciutat Mondina aguèt aculhit la manifestacion Anèm Òc per la lenga occitana, de la quala los assalhidors foguèron expulsats. L’agressat foguèt tocat grèvament e demòra emiplegic e sord d’una aurelha, de sequèlas que gardarà tota sa vida.
 
Lo tribunal a tanben condemnat Matthieu Clique a una enebicion de sojorn a Tolosa de cinc ans, e al remborsament de 42 106 èuros a la Seguretat Sociala e 3400 èuros de fraisses presentats per una assegurança.
 
Clique aviá negat èsser l’autor del còp davant lo tribunal correccional de Tolosa lo 27 d’abril passat, mas los jutges an pas retengut sos arguments en tot considerar mai cresables los dels testimoniatges.
 
En junh de 2012, un quinzenat de militants foguèron arrestats a Tolosa e dins la banlèga. Lo local de l'Alèa de Barcelona, L'Oustal, fasiá partida dels luòcs vistalhats per la polícia. Lo Blòc Identitari, movement d'extrèma drecha responsable d'aquel local, vegèt son menaire tolosan Matthieu Clique arrestat pendent l'operacion.
 
 
 
Mai d’informacions sus IAATA
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Atal es coma comprenen aquesta gent las causas,a mb un castic exemplara.

  • 1
  • 0
Ernèst Guevara Jr.
5.

Subre la fotografia aquí presentada, podèm observar lo contravenent ensajar d'apréner a comptar subre sos dets. Mas fins ara, sembla aver dificultats a despassar UN, un pauc coma certans governaments, quora s'agís de comptar las lengas subre son territòri administratiu…

Tota semblança amb la realitat seriá, plan segur, cap e tot asardosa.

  • 6
  • 0
Guilhèm Thomas Tolosa
4.

#3 Es pas question d'anar contra la lei o lo drech d'accedir a la proprietat/locacion. I a un estat de drech, una garantida de las libertats fondatamentalas (crèsi?) e las cal respectar.

Mas d'un autre latz i a de presas de posicion que se pòdon far. I a de punts de vista publics que se pòdon dire. Al mens dire clarament que lor instalacion es pas vista d'un bon uèlh. Annónciar una opausicion, al mens de principi. Far comprene que sèm conscients qu'aquela associacion sentís a òdi e dangièr, pòt èsser un minimum e una evidéncia - e qu'es pas çò que la municipalitat vòl per la vila.

Foguèt pas lo cas.

Aqueste manca d'engatjament de l'esquèrra sus aquel punt m'estona pas - mas pensi que justament auriá degut traçar una linha clara, car la vila n'aviá pas besonh, subretot pas.

  • 1
  • 0
Joan Lavaur
3.

#2

Cossí lo prefècte o lo cònsol de Tolosa d'aquel temps podián empachar la creacion d'aquel local ? Existís una lei aquí-dessús ?? Cresètz a de bon que pòdon empachar un proprietari de far logar un local a qual que siá (que siá una associacion d'extrèma dreita, d'extrèma esquèrra o que te sabi mai encara ?) ?

  • 2
  • 0
Guilhèm Thomas Tolosa
2.

La prefectura e lo conse màger (d'esquèrra, a aquesta passa) tolerèron lor installacion.

Qu'es nimai ni mens qu'una antena de l'extrèma drecha per la difusion de l'òdi e del racisme.

- auriái besonh d'afichar los pega-solets que botan dins qualques barris de la vila per o justificar ?

  • 8
  • 3

Escriu un comentari sus aqueste article