Bandièra01 1180x150: Comuna de Tolosa

Actualitats

Trump repròcha als sòcis de l’OTAN de pagar pas çò que deurián

Lo president estatsunidenc s’engatja contra lo terrorisme, e mai se ven de signar un acòrdi de venda d’armas per 90 miliards d’èuros amb l’Arabia Saudita

Lo president dels Estats Units, Donald Trump, critiquèt dijòus passat que, dels 28 estats membres de l’OTAN, 23 paguèsson pas encara çò que deurián, e qu’aqueles pagaments concerniguèsson lor defensa. Trump o diguèt dins un discors davant sos sòcis de l’Aliança Atlantica en tot plànher los impagats cronics envèrs la seguretat e en tot avertir qu’aquò èra pas just pels contribuables estatsunidencs. “Los Estats Units an despensat mai en defensa que totes los autres membres de l’OTAN ensems”, çò assegurèt.
 
Trump faguèt aquel discors davant lo nòu sèti de l’OTAN, un edifici qu’a costat 1,1 miliards d’èuros e que foguèt inaugurat en preséncia del president estatsunidenc e del rei de Belgica. “Es plan polit”, çò diguèt Trump. E aqueste es lo sol comentari que faguèt a prepaus del bastiment, que ne diguèt tanben que jamai non aviá volgut saber quant d’argent aviá costat.
 
En mai dels repròches financièrs, Trump parlèt de terrorisme. El afirmèt que ni los Estats Units, ni sos aliats se rendrián jamai dins lor determinacion de véncer lo terrorisme. Dins aquel sens indiquèt que caliá trobar, expausar e expulsar los terroristas de las societats occidentalas. Ça que la, Trump arribava de l’Arabia Saudita, ont signèt un acòrdi de venda d’armas per 90 miliards d’èuros.
 
De soslinhar que las practicas de las decapitacions per l’Estat Islamic fan partida dels programas d’entraïnament dels jihadistas en Arabia Saudita e Qatar, e que l’Arabia Saudita auriá mes en libertat de milièrs de presonièrs de sas presons a condicion que s’engatgèsson amb l’Estat Islamic per luchar contra Al Asad en Siria.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

No se pas de que es queissa l'amo de les metles, se l'OTAN es una causa seva fetas pels eeuu. Que paguin los angleses e prou, que son sos criats.

  • 2
  • 0
Lachaud
2.

Trump es pas responsable de la politica de sos predecessors. Daus milionj de dolars an estat depensats per los occidentaus e los Etats-Unis per armar Israel e los terroristes. Per crear un terrorisme chalia l'argent mai tanben de la formacion tecnologica que sols los occidentaus avian.
L'òm coneis pas tots los dejos de l'afar mas lo rapòrt de forças es pus en favor daus USA e daus occidentaus. L'òme fort dins aquela region es Potina.
Macron, lo tsar de l'Euròpe a estat obligeat de cambiar de politica e de prometre d'en far v-una mens agressiva e pus normala emben los pais arabes en prenan lo contre-pè de la politica d'un Sarkozy o d'un Olande. Darrier Macron i a l'oligarchia financiera que s'es comportada emben los pais arabes coma daus mafiosi.
Si l'òm compren pas tot aquò tant vòl mielhs anar se coijar.
I a tanben los medias los mai poderos que catan la veritat a començar per la situacion economica daus pais occidentaus.
Aquò dich, sei pas un adorator de Trump ni de Potina mas nos bons politics frances mentan e los medias tanben.

  • 3
  • 0
Jaume Jose i Oranies Urgelh e endacòm mai
1.

Trump se daissa pas convéncer per sosténer a l’acòrd de París sul cambiament climatic

  • 1
  • 0

Escriu un comentari sus aqueste article