Agen aculhirà l’8 de juhet que ven la tresena edicion del festenal Pampaligossa, un eveniment familial, ludic e creatiu organizat per l’associacion Per Doman, amb la tòca de prepausar de far descobrir la lenga e la cultura occitanas dins un temps e un espaci de pausa, de rescontre, de jòcs e de creativitat.
 
L’edicion d’ongan serà la de la “reconstruccion del País imaginari”. D'efièch, lo tèma del festenal pòrta sus las cabanas, la recuperacion, l’ecologia... amb de nombroses obradors ludics. Atal la Prada del Pont Canal se transformarà amb d'obradors de construccion efemèrs e de jòcs coma lo laberint vertical, lo laberint de carton, d'escalada, d'apicultura, de jòcs, de contes... e lo concèrt de ser.
 
Podètz consultar lo programa complet sul sit de la Calandreta Jansemineta.