Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaRoergueSegalar Roergat

Crespinh: s’alestís amb vam lo festenal Biaissut del Segalar

L’Ostal Joan Bodon organiza una tièra d’eveniments per que lo sit “siá un endrech de memòria mas tanben un luòc de creacion e de difusion culturala”

| Ostal Joan Bodon
Après lo succès de las doas seradas cinematograficas amb los filmes Païsans de Roergue e Dins la votz dels sègles, l’Ostal Joan Bodon de Crespinh (Segalar Roergàs) organiza una tièra d’eveniments amb la tòca “qu’aquel ostal d’escrivan siá un endrech de memòria mas tanben un luòc de creacion e de difusion culturala”.
 
 
Dimenge que ven: contes de la tradicion orala
 
Dins aquel sens, se tendrà dimenge que ven, 25 de junh a 15h30, una serada dels contes
de la tradicion orala escriches pel gascon Joan-Francés Bladé pel quite Joan Bodon, diches per Jiròni Vialaret. Per mai d’informacions clicatz aicí.
 
 
Del 4 al 7 d’agost, festenal Biaissut del Segalar
 
La segonda edicion del festenal Biaissut del Segalar se començarà divendres 4 d’agost e prepausarà durant quatre jorns de repaisses, de passejadas contadas, de balètis e de concèrts amb de grops de tria, entre los quals soslinham La Talvera, Uèi e Bassacada.
 
Podètz trobar totes los detalhs de l’eveniment sus Facebook.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.

Fa plaser de veire l'espaci Joan Bodon plen de mond!

  • 0
  • 0
francesc palma
1.

Cal aprofitar lo siccès per far mai festenals de la cultura maltractada fins ara per los governs de chovinets mercenaris de la mort.

  • 1
  • 0

Escriu un comentari sus aqueste article