Bandièra01 1180x150: Comuna de Tolosa

Actualitats

Montpelhièr: d’ultradrechistas an atacat lo local d’una associacion que defend los menors isolats

Als crits de “non a l’immigracion”o “pro de refugiats”, los atacants getèron las fuèlhas e los dorsièrs al sòl, reversèron los mòbles e rompèron la terralha

Lo 30 de junh passat, de membres del grop ultradrechista Ligue du Midi (Liga del Miègjorn) ataquèron lo local del Ret Aculhença Insercion Erau (RAIH segon sa sigla en francés), una  associacion de defensa dels menors isolats a Montpelhièr. Als crits de “non a l’immigracion”o “pro de refugiats”, los assalhidors getèron las fuèlhas e los dorsièrs al sòl, reversèron los mòbles e rompèron la terralha, çò publica Midi Libre. En mai d’aquò, la còla del RAIH se son faches apelar “collabos” pel grop xenofòb.
 
Puèi los agressors publiquèron lo vidèo sus lor compte de Facebook e se volguèron justificar en disent que “las associacions prò-immigracion tòcan de milions d’èuros de subvencions”.
 
La presidenta del RAIH faguèt sa denóncia en precisant a Midi Libre que la polícia dispausava del vidèo. Segon Daniel Martin, director del RAIH, la Liga del Miègjorn volguèt atal “far sa publicitat” qualques jorns après lo vòte del conselh departamental de subvencions a d’associacions, dont lo RAIH, çò rapòrta France Info.



 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

E Passa Que T Ai Vist Lo Clapàs (Montpelhièr)
2.

Aquel desvirament cinic de còdis d'occitanituda per aquesta chorma neo-fascista a de que faire soscar. Certs se son fach un look a la Massilia Sound System, n'i-a que cridan en occitan "vergonha", òm vei sul costat de lor video que lor blòg se sona "Lengadòc infò".
Recobrament oportunista coma aquel qu'ensajèt lo Front National en agantant a son profièch de tèmaticas d'esquèrra per se faire passar per çò qu'es pas. Aquesta Ligue du Midi, copiat-empegat de la Ligue du Sud de l'ex-FN d'Aurènja Jacques Bompart mai inspirat per l'italiana Lèga Nord que per l'istorica Ligue du Midi (republicana e universalista) dau sègle 19, de qu'es ? Ni mai ni mens que los andòlfis utiles, las pichòtas mans miegjornalas dau nacional-parisianism neo-fascista e racista dels identitaris dau Front National.
Aqueles drollets identitaris en manca d'identitat salopèjan las tematicas occitanas e los tèrmes "Midi" e "miegjornals" per n'usar coma d'un tapanàs per lors idèias racistas censadas los menar al Bonastre Grand. Tsss....

  • 17
  • 0
francesc Palma
1.

E los fachas, fachas son. Mena de retrassats mentals e de folhs que non cabilen. sempre amb pressas coma si los ho manàs un sargent amb malas pussas. Escòria de la raça humana.

  • 8
  • 0

Escriu un comentari sus aqueste article