Bandièra01 1180x150: Comuna de Tolosa

Actualitats

Los primièrs imatges de la granda taca roja de Jupitèr

La taca es una granda tempèsta de mai de 16 000 quilomètres de larg, que foguèt observada pel primièr còp en 1830, e se calcula qu’apareguèt fa 350 ans

| NASA
La NASA a publicats los primièrs imatges de Jupitèr que la sonda espaciala Juno a obtenguts aquesta setmana que ven de passar. Juno es a orbitar la planeta giganta en tot subrevolar sa granda taca roja. Son las fotografias mai detalhadas e mai impressionantas jamai obtengudas d’aquel element caracteristic de Jupitèr.
 
La taca es una granda tempèsta de mai de 16 000 quilomètres de larg, que foguèt observada pel primièr còp en 1830, e se calcula qu’apareguèt fa 350 ans. Ara la sonda Juno permetrà que l’umanitat observem pel primièr còp dirèctament aquela granda taca roja de près.
 
Sus las fotografias publicadas se vei dins la taca un amàs de nivolasses escurs que se mòvon devèrs un nuclèu enòrme de forma ovala.
 
La tempèsta se tròba al sud de l’eqüator de Jupitèr. Fòrça sovent càmbia de color e d’intensitat. De còps, es d’una color roja fòrta, e vertadièrament fòrça notabla, e de còps es pus pallinèla e pòt quitament venir insignificanta. Es mai freja que non pas los nívols que l’environan. Una explicacion probabla es que se tracta d’un ciclòn tropical. En aquel cas, auriá un nuclèu que despassa la nòstra imaginacion, perque es una tempèsta que dura despuèi mai de tres sègles, e perque poiriá engolir dos còps e mièg nòstra planeta Tèrra.
 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma
1.

S'han oblidat dels ovnis que tamben n'hi ha, coma a Mart, a Venus, e a fora del sistema solar naturalament.

  • 0
  • 0

Escriu un comentari sus aqueste article