Bandièra01 1180x150: Comuna de Tolosa

Actualitats

Lo Conselh d’Estat francés a validat lo nom d’Occitània per la region centrala

A refusat los apèls de doas associacions nòrd-catalanas que volián que lo nom de la region rebatèsse tanben la partida non occitana del territòri

Lo Conselh d’Estat francés a refusat los apèls de l’Associacion de Ciutadans per Occitània-País Catalan e del Comitat per l’Autodeterminacion de Catalonha Nòrd, que demandavan que se cambièsse lo nom de la region qu’a pres lo nom d’Occitània, fruch de la fusion de las ancianas regions nomenadas Miègjorn-Pirenèus e Lengadòc-Rosselhon.
 
Lo nom d’Occitània “evòca una lenga e una cultura istoricas dont l’airal geografic e istoric inclutz la màger partida del territòri de la region”, çò afirmèt lo Conselh d’Estat francés, que precisèt que la consulta de 2016 mesa en plaça sus Internet s’èra debanada sens cap d’irregularitat.
 
Se clava atal un long litigi administratiu sul nom de la region, qu’a causat un grand refús dins l’occitanisme delà la region e sustot en Catalonha Nòrd.
 
La presidenta de la region, Carole Delga, volguèt “remembrar [lor] plena e entièra mobilizacion pels Pirenèus Orientals”, çò rapòrta Midi Libre. Ansin recordèt los investiments economics e socials qu’aviá faches dins la partida non occitana de la region.
 
La presidenta de l’Associacion de Ciutadans per Occitània-País Catalan, Renée Soum, assegurèt qu’amb aquela decision “l’identitat catalana ressonarà encara pus fòrt dins l’avenir”.
 

 
De son caire, lo president del Comitat per l’Autodeterminacion de Catalonha Nòrd, Robert Casanovas, a afirmat qu’ara la tòca del comitat es d’obténer un “estatut especial” pel departament dels Pirenèus Orientals (Catalonha Nòrd e l’encontrada occitana de Fenolhedés).
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

E Passa Que T Ai Vist Lo Clapàs (Montpelhièr)
39.

#38 En efièch, verai qu'es plan de rementar aquel article de Sèrgi Granièr ont mostrava la farcejada e la pantalonada d'aquela sembla-consulta engimbrada per Midi Libre e La Dépêche du Midi. L'ajuda dels identitaris dau Couleitieu Prouvenço e de la Joinessa Mondina puèi lor recuperacion pels localistas tolosans a fach lo demai. Pel mai grand profièch de Paris qu'a pas fenit de s'estraçar de rire en agachant aqueles occitans se carpinhar entre eles e s'enfadar amb los catalans. Dau temps que lo poder parisenc pòt contunhar de senhorèjar en mèstre absolut. Quand a l'actuala presidenta de region als poders tras que limitats o-sap quita pas çò qu'es l'occitan, Occitània o Catalunya, alara...

  • 37
  • 45
Pom Pom Pom Pidou Bedariu
38.

#37 & #35 Gramaci a ltrobatper per aquel ligam http://opinion.jornalet.com/sergi-granier/blog/1556/nom-de-region-agantacolhon-antioccitan.
Legissi Lo Jornalet que dempuèi un an e coneissiai pas aquel article de Sèrgi Granièr de 2015 "Nom de region: agantacolhon antioccitan". Es un article de tria, tot i es dich d'un biais clar e fòrça plan argumentat de l'arnèsca monumentala orquestrada per Tolosa contra Occitània tota. La seguida desastrosa de l'afar OLRPM a fach que confermar çò que disia lo Sèrgi Granièr. Vos convidi totes a lo tornar legir ! Citarai per la bona boca dos extraches d'aquel article, en primièr una reaccion :

"1 un occitan de Provença 7 d'octòbre 11.30h

Es un grand article, amb d'arguments fòrts, precís e incontestables. L'analisi dei motius de la premsa tolosana e dei notables tolosans, que son de mond irresponsables e localistas, explica fòrça ben aquela escrocariá-manipulacion. Sèrgi Granièr sauva e elèva lo nivèu de reflexion de l'occitanisme."

E en segond una mèsa al punt de l'autor Sèrgi Granièr :

"24 Sèrgi Granièr NARBONA 13 d'octòbre 07.22h

#18 Demòstri dins mon article que I A PAS AGUT CAP DE DEBAT. La "grrrande consultation" se faguèt 1) sens l'explica indispensabla de çò qu'es "Occitània", 2) sens critèris de representativitat de las personas que respondèron, 3) amb fin finala 0,52% DE LA POPULACION DE LA FUTURA REGION FAVORABLES al nom de "Occitània".
Es una ESCROCARIÁ INTELLECTUALA e en mai SUS UNA QUESTION QU'A PAS DE SENS. Es coma se los jornals regionals fasián una "grrrande consultation" per demandar a las gents d'una futura region se vòlon que s'apèle "FRANCE" - seriá imaginable, per una region "Torena", non?

Ai pas res dich d'autre e los catalans de Catalunya Nord an plan rason de protestar e de resistar contra aquela engana tolosana. Los ajudarem !

  • 34
  • 42
ltrobat
37.

#35
Segur, l'atrapa-colhon que s'i son fotuts (e que ns'i an botats tanben) eths medishs.
E, çò de piri, que'n son hèra contents!

http://opinion.jornalet.com/sergi-granier/blog/1556/nom-de-region-agantacolhon-antioccitan

  • 17
  • 32
E Passa Que T Ai Vist Lo Clapàs (Montpelhièr)
36.

#35 ?????????

  • 34
  • 47

Escriu un comentari sus aqueste article