Los sojorns d’aprendissatge del còrs per immersion s’estendràn als collegians e als liceans.
 
Lo govèrn regional de Corsega metèt en marcha en abril de 2015 lo nomenat Pianu Lingua 2020 (Plan Lenga 2020) que definís una estrategia de desvolopament e d’ensenhament del còrs, de son aprendissatge tot lo long de la vida e de sosten als centres d’immersion lingüistica. L’an passat, la collectivitat territoriala e l’estat francés signèron una convencion per assegurar lo finançament dels quatre centres de sojorn e d’estudis còrses qu’aculhisson en immersion per de sojorns que van d’una jornada a una setmana, e tanben las classas de seccion bilingüa de primièr e segond grases.
 
Ara, aqueles sojorns d’aprendissatge del còrs per immersion s’estendràn als collegians e als liceans gràcias a un emendament depausat pel grop Corsica Libera.
 
O explica Laura Maria Poli dins una entrevista pubicada dins Corse Net Infos. Poli es conselhièra territoriala e presidenta de la comission de desvolopament social e cultural, una de las tres comissions organicas que s’ocupa especialament dels rapòrts que tòcan la lenga e la cultura còrsas.