Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tisséo: la negociacion capita pas

Tornarmei la cauma aus transpòrts urbans de Tolosa

| CGT TU Tolosa

La cauma deus emplegats de Tisséo, trencada dempuish dissabte passat, es anonciada tornarmei a partir deu diluns 23 d'abriu.


Aquera anoncia seguís la mauescaduda de la negociacion miada lo diluns 9 d'abriu dab la direccion de Tisséo (establiment public deus transpòrts de Tolosa). Lo director, Olivier Poitrenaud, expliquèt que tornarén pas sus la limitacion de las revalorizacions salarialas a 2% cada an -hèit que causèt la ràbia deus emplegats que e ne motivèt la cauma- en tot acceptar l'idèa que si "l'inflacion passa los 2%, [seré] possible de completar, d'un biais concret e dens un budgèt balhat".
 
Frent ad aquera pausicion que jutjan tròp pauc clara e shens nada assegurança, l'intersendicala manten son quasèrn revendicatiu. Set punts i son expausats, pertocant l'augmentacion anuala deu salari, una revalorizacion de las primas de vacanças e de dimenjada, la presa en compte de la penibilitat e l'organizacion deu tribalh, e la milhoracion deu dialòg sociau demiei l'enterpresa.
 
Lo preavís de cauma per diluns 23 es mantingut, atau, en esperar que lo conflicte se poirà resòlver lèu.



Pèir-Joan Masdiset
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jacme Tolosa
1.

Es mai complicat qu'un acarament sindicats / cap d'entrepresa.

  • 0
  • 0

Escriu un comentari sus aqueste article