CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dijòus, 17 d'agost

Actualitats

Dimècres, 24 d'agost de 2016, 03h00 Societat,Politica,Lenga,Internacional

Se pòt pas apelar “Martí” per çò qu'en França tot se deu far en francés

Après dètz ans de lucha d'un paire per escriure lo prenom de son filh coma cal, la justícia europèa considèra que pòt pas obligar l’estat francés d’escriure “Martí” amb “í”


Comentaris 17 comentaris    
Marrit Flac Bon Plan bon Fabulós (6 vòtes)
carregant En cargar


Alà Baylac-Ferrer lucha dempuèi 1998 per que l’estat reconesca lo prenom de son filh Martí





Etiquetas
baylac-ferrer, catalonha nòrd, chauvinisme, dreches lingüistics, martí, prenom

La Cort Europèa dels Dreches de l’Òme a Estrasborg (Alsàcia) a donat rason a un ciutadan de Catalonha Nòrd, qu’a lo drech d'apelar son enfant “Martí”. Mas, per contra, considèra que l'injustícia es pas pro importanta per emetre una senténcia qu’obligue l’estat francés d’escriure corrèctament lo prenom, çò rapòrta El Nacional.cat.
 
Nascut en 1998, lo jove Martí Baylac-Ferrer a vist son paire, Alà Baylac-Ferrer, luchar per que l’estat li reconesca son prenom. Lo primièr trabuc lo visquèt al registre civil quand s’avisèt que lo nom de Martí èra escrich “Marti”. La justificacion de l’enregistraire foguèt que lo caractèr “í” apareissiá pas sul clavièr de l’ordenador e, doncas, qu'aviá “pas la possibilitat d’apondre l’accent”. Alà Baylac-Ferrer demandèt d’escriure l’accent amb un estilo mas l’enregistraire refusèt pr’amor qu’aquò fariá venir lo document “fals”. Perplèxe, Alà Baylac-Ferrer presentèt un recors al procuraire, mas la responsa que recebèt foguèt qu’”en França tot se fa en francés”.
 
En seguida, depausèt un recors davant la Cort Administrativa de Perpinhan, que li respondèt que de nomenar l’enfant Martí, amb accent agut sus la “i”, èra “quicòm d'illegal” car violava l’article 2 de la Constitucion francesa.
 
Tanben la Cort de Cassacion de París neguèt a Martí lo drech d’escriure coma cal son nom. La resolucion del tribunal francés exprimissiá lo “caractèr obligatòri del respècte de l’alfabet francés”. Aquela darrièra accion en justícia costèt a Baylac-Ferrer aperaquí 4000 èuros en avocats.
 
Après tot aquò, Baylac-Ferrer percep que França es un estat “ostil e reticent” en çò que tanh als dreches lingüistics. En mai d’aquò, a lo sentiment que de revendicar lo nom del jove Martí ben escrich “es coma metre en perilh l’estabilitat institucionala de França”.
 
 
Tanben en Occitània
 
Tanben en Occitània plusors personas an vist non respectada l’ortografia de lor nom a causa d’aquel chauvinisme intolerant. A la fin de 2011 lo registre civil de Tolosa refusèt d’inscriure una enfantona nomenada Alaís. L’argument èra lo meteis, que la letra “í” amb accent agut existís pas dins l’alfabet francés. Curiosament aquel meteis registre civil aviá acceptat, abans, l’inscripcion d’una “Anaís” e d’un “Loís”.
 
De fach, aquela fobia contra totas las lengas que sián pas lo francés es arribada a de situacions ridiculas, coma es lo cas de Vilanòva de Magalona, quand un ciutadan depausèt una denóncia en justícia contra lo panèl en occitan e que lo tribunal li donèt rason. Lo motiu invocat èra  que l’accent agut sus l’”ò” del nom occitan de la vila pausava de problèmas “a la seguretat rotièra”.



publicitat



Comentaris

25 d'agost 23.02h

La merda xovinista fa l'aire irrespirable !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 17.48h

#15 o disen coma una L perque es "leig" autrament ah ah ah


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

25 d'agost 10.02h

#12 Lo mieu cognom catalan s'acaba per dos LL, que ven del latin e que correspon a l'occitan LH . Mai, ai pas pogut o faire pronunciar pels franchimands quitament pels occitans e pels castellans correctament e pas L

Perquè, al començament o al mièg d'un mot lo LL es mullat per tòt lo monde e a la finala , lhevat dels quites catalans, tòt lo monde s'obstina a prononciar aquel digraf tan catalan L .


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

25 d'agost 09.43h

#7 La diferéncia entre locutors e lectors se far mercés a l'alfabetizacion de la populacion occitana. La question que pausatz relèva plan de l'espandiment d'un ensenhament bilingüe de l'occitan dins l'escòla publica, disi plan l'escòla publica. Aquel espandiment de l'ensenhament de la lenga, mai que mai, passa per la formacion de mèstres capables de far passar la lenga, valent a dire son parlar e son escrit.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 05.18h

#10 Sèm fòrça que sèm aquí per la volontat dels paires e pas la nòstra. Digús nos a pas demandat se voliam venir a aqueste mond destimborlat. E quand me bategèron, digús me demandèt se voliái o pas. Te disi !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 05.11h

#7 Desfaitista! Lo tenista Llodra e lo fotbolaire Lloris son plan arribat a far prononciar lor nom corrèctament. E èra pas ganhat amb los pècs de parlaires esportius que se creson jornalistas.
#9 Es amb de rasonaments aital que ne sèm ont ne sèm.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

25 d'agost 01.18h

#10 Çò que s'impausa es la volontat de l'Administracion


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

24 d'agost 22.55h

#8 dins aquest article, arremarcaràs qu'es la volontat del paire e pas de la persona concernida...


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

24 d'agost 20.53h

#8

1- Sufís de prononciar a hauta voètz vòsta prumèra frasa per véser que los occitanistas se ridiculisan demb la confusion lenga/grafia. Aquò dessèrv la causa occitanista.
2- Se los pairs vòlen impausar a lur dròlle un prenom demb una grafia coneishuda de quasi digun, planhi lo dròlle. Hèser passar la dignitat de la grafia alibertina avant lo fèit d'auger un prenom que fadrà se carrejar tota la via (bon,me diratz, poirà causir de s'hèser aperar per son segond prenom o aut, mè... Legir mai


Valoriza aqueste comentari:   votar positiu 1   votar negatiu 5
Respondre comentari replica Comentari inadeqüat   Formulari d'abús de comentari

24 d'agost 20.33h

#7 E se se vol apelar Pèir e non pas Pey? Sa volontat compta pas? O cal far tot en pensant que los francofòns monolíngües son pecs e devon condicionar lo nòstre nom?


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Un vertadièr forum social occitan

Dempuèi que Patric Roux quitèt la direccion de l’Estivada de Rodés, lo festenal de las culturas occitanas a cessat d’èsser lo ponch de rescontre nacional de l’occitanitat. ...
giny

Lo temps

Mapa
  • sol Agen 30 17
  • nuvols_parcials Aush 30 17
  • nuvols Bordèu 27 17
  • sol Briançon 25 11
  • sol Caors 27 16
  • sol Carcassona 32 18
  • sol Clarmont-Ferrand 30 15
  • nuvols Confolent 28 15
  • sol Gap 34 18
  • nuvols La Canau 27 17
  • nuvols La Gàrdia 26 19
  • sol La Torre de Pèlitz 30 21
  • nuvols Limòtges 28 15
  • nuvols_parcials Lo Borg Sant Dalmatz 25 21
  • sol Lo Puèi de Velai 25 17
  • sol Marselha 33 21
  • sol Montpelhièr 28 21
  • sol Naut Aran 35 14
  • sol Niça 28 14
  • nuvols_parcials Nimes 36 19
  • sol Pau 27 16
  • nuvols Peireguers 25 16
  • sol Rodés 34 14
  • sol Tolon 32 21
  • nuvols_parcials Tolosa 30 18
  • sol Valença 30 18

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Besièrs. © Melanie Laupies

    Besièrs

  • Omenatge a Aragon. © Franc Bardòu

    Omenatge a Aragon

  • Estivada 2013. © Guillem Sevilla

    Estivada 2013

  • Via. © Andrea Celauro

    País d'Aison (Val d'Estura)

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Presèpi dins la capèla Santa Catarina dau Canet (Vencenc). © Paulon Negrin

    Concors de Nadal de Jornalet: Cossí se passan las Calendas en cò vòstre?

  • © Franc Bardòu

    País Bordalés

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Pausa de la senhaletica en occitan a l'estadi de la Mediterranèa a Besièrs

  • © Aure Séguier

    Carnaval Biarnés 2017

  • © Franc Bardòu

    País Bordalés

  • Carnaval e fèsta per l'anniversari de la naissença de Jausep Garibaldi a Niça

  • © Laurenç Revèst

    Çò que se servèm en classa d'occitan dins un collègi public en França

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Gavotina marítima: trofèu d'August e vila vielha d'A Torbia

  • © Magalí Barceló

    Santa Gabèla: quatrena fèsta del fogal rural La Gabèla

  • © Laurenç Revèst

    Fòrt Maginòt de Sant Anhe

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Conselh Generau d'Aran

    Lo Torn de França 2016 en Aran

  • Glèisa, cloquièr e muralhon. © Andrea Celauro

    País d'Aison (Val d'Estura)

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Participaràs a la Dintrada a Narbona lo 16 de setembre que ven?


13%



3%



8%



52%



23%




Vots 60 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)