Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Un calendièr occitan per 2013

Un còp de mai, per 2013, l’Institut d’Estudis Occitans d’Aude a fisat la realizacion del calendièr occitan a Joan-Loís Caparròs. Lo fotograf, que viu a La Novèla, a l’uèlh per sasir las bèstias, las flors, los arbres, las pèiras, la vida… de la contrada.
 
Atal, son sens agut de las colors e del lum lo mena a transformar en vertadièr safari una sesilha per las vinhas.
 
Pel calendièr novèl, a causit de se daissar portar per la corsa del temps, dels meses e de las sasons: mandarinas e iranges, becadets e becaruts, estornèls, gavians e gavinas, cavalièrs, rosèla, parpalhòl, ironda d’estable, rugbi de platja, doçors, mèl, mercat, amor en gàbia, bodegaires, vinhas… vos menaràn del 1èr de genièr al 31 de decembre de l’annada 2013.
 
Una pagina d’entresenhas sus las associacions occitanas e unes dires e provèrbis sul nombre tretze completan lo calendièr.
 
 
 
 
Alan Roch
 
 
 
 
_____
Un exemplar: 15 € (+2,50 € de mandadís), de comandar a IEO-Aude BP 105 11022-Carcassona Cedex

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article