Còp de freg dissabte a Domèc. L’AS Carcassona domina long de la partida una jove equipa catalana de St-Estève-XIII Catalan, multiplica las atacas, mas capita pas de concretizar: fautas de man, passatges leugièrs en tòca, salvetatges catalans, decisions arbitralas, còp de vent qu’empacha la pauma de passar entre las barras: tot i passa! E per n’acabar amb aquel scenariò-catastròfa, sus la fin (“Las cinc darrièras minutas“ coma un còp èra) , l’arrièr-farfadet Escarré fa marcar un ensag e ne va marcar un per balhar la victòria als vesitaires: 14-12.
Dins lo meteis temps, als Minimes, Lesinhan, qu’arribava bavard aprèp sa victòria bèla fàcia a Pià, fa los fraisses del reviscòl del Tolosa Olimpic e plega: 32-18.
Dimenge, per contra, a l’Agulha, passejada de santat per Limós que passa 14 còps darrèr la linha de Lescura per l’emportar sus la marca sens apèl de 70 a 6.
Dissabte tanben, se teniá l’amassada de la Federacion a Carcassona amb lo renovelament del Comitat director. Lo president novèl serà l’èx-internacional e actual president de Tolosa: Carlos Zalduendo. Lo Comitat director novèl se recamparà dissabte 24 a Lesinhan per definir las responsabilitats de cadun amb coma chantièrs prioritaris: la formula del campionat d’Elit, la preparacion de la participacion del XIII de França a la Copa del Monde de 2013 e la formacion.
Dimenge, lo campionat d’Elit se metrà a jorn amb lo desplaçament de Carcassona a Lescura e aquel de Vilanòva a Avinhon.
Dins la setmana, las equipas de França juniòrs rescontraràn las formacions de l’Australian Institute of Sports: aqueste diluns19 pels mens de 19 ans a Salon de Provença, puèi a Tolosa dijòus 22 (18h, estadi Struxiano) pels mens de 18 ans.
La Super-Liga ven de desvelar lo calendièr de la sason 2013. Los Dracs entamenaràn la sason lo dimenge 3 de febrièr a Hull KR abans de reçaupre Salfòrd lo dissabte 9 seguent.
Lo campion Leeds serà a Brutús pel diluns de pascas (1r d’abril). Los catalans rescontraràn Londres per la dimenjada magica (estadi de Manchester City) lo dimenge 26 de mai e se delocalizaràn a l’estadi Wallon de Tolosa lo 22 de junh per reçaupre Hull KR; La finala de la competicion se tendrà lo dissabte 5 d’octobre, un còp de mai a Manchester (Trafòrd-lo-Vièlh).
Alan Roch
Dins lo meteis temps, als Minimes, Lesinhan, qu’arribava bavard aprèp sa victòria bèla fàcia a Pià, fa los fraisses del reviscòl del Tolosa Olimpic e plega: 32-18.
Dimenge, per contra, a l’Agulha, passejada de santat per Limós que passa 14 còps darrèr la linha de Lescura per l’emportar sus la marca sens apèl de 70 a 6.
Dissabte tanben, se teniá l’amassada de la Federacion a Carcassona amb lo renovelament del Comitat director. Lo president novèl serà l’èx-internacional e actual president de Tolosa: Carlos Zalduendo. Lo Comitat director novèl se recamparà dissabte 24 a Lesinhan per definir las responsabilitats de cadun amb coma chantièrs prioritaris: la formula del campionat d’Elit, la preparacion de la participacion del XIII de França a la Copa del Monde de 2013 e la formacion.
Dimenge, lo campionat d’Elit se metrà a jorn amb lo desplaçament de Carcassona a Lescura e aquel de Vilanòva a Avinhon.
Dins la setmana, las equipas de França juniòrs rescontraràn las formacions de l’Australian Institute of Sports: aqueste diluns19 pels mens de 19 ans a Salon de Provença, puèi a Tolosa dijòus 22 (18h, estadi Struxiano) pels mens de 18 ans.
La Super-Liga ven de desvelar lo calendièr de la sason 2013. Los Dracs entamenaràn la sason lo dimenge 3 de febrièr a Hull KR abans de reçaupre Salfòrd lo dissabte 9 seguent.
Lo campion Leeds serà a Brutús pel diluns de pascas (1r d’abril). Los catalans rescontraràn Londres per la dimenjada magica (estadi de Manchester City) lo dimenge 26 de mai e se delocalizaràn a l’estadi Wallon de Tolosa lo 22 de junh per reçaupre Hull KR; La finala de la competicion se tendrà lo dissabte 5 d’octobre, un còp de mai a Manchester (Trafòrd-lo-Vièlh).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari