La setmana passada, Lescura èra a las escanas a Limós mas una setmana al bon aire d’Albigés aviá reviscolat los Minotaures per la recepcion dels campions, l’ASCarcassona. Los locals marquèron los primièrs per l’alièr Rigal. Carcassona perdiá son menaire de jòc Anderson al cap d’un quart d’ora (dolors sciaticas). E caliá esperar la tota fin de la mièg-temps per veire Russèl Aitken egalizar. A la represa, Lescura, a la suspresa generala, repreniá los davants, mas tres ensags personals de Mazard, Towers e Bemba (amb tres transformacions de Guiraud) permetián als Canaris de ganhar sens convéncer: 22-12.
Per contra, a Vilanòva, Avinhon faguèt pas dins lo detalh per l’emportar aisidament: 36-12. Decembre començarà per una brava dimenjada en Elita.
Tre dissabte, los Dragonets reçaupràn a 5 oras del vèspre Limós sus la pelena de Sant Estève.
Dimenge, Lescura ensajarà de prene lo melhor sus Avinhon, alara que Pià e Tolosa se rescontraràn en Salanca.
E, en cap d’aficha, podètz anar al Molin de Lesinhan seguir lo derbi entre los Singlars de Corbièras del FCL e los Canaris de Carcassona.
Mas l’actualitat tretzsita es tanben la tenguda de la primièra sesilha del Comitat director novèl de la Federacion, recampat aqueste dissabte 24 a Lesinhan, dins un ambiant de trabalh e d’engatjament bèl. Lo president novèl Carlos Zalduendo tornèt afortir las prioritats de son equipa: lo desvelopament, lo naut-nivèl, la formacion e la sinergia entre ligas, comitats e clubs. L’acamp fixèt las responsabilitats de cadun e lo ròtle de las divèrsas commissions: règlamentacion, finanças, tecnica e formacion, arbitres e delegats, medicala, femininas, joves, divisions federalas, division nacionala, Liga Elita, Ligas e comitats, organizacion, XIII-fautuèlh, relacions amb lo mitan escolar e universitari, naut-nivèl, communicacion. Jaume Soppelsa (un ancian president, professor a la Sorbona) bailejarà lo Club XIII de França e lo president precedent Nicolau Larrat es encargat de mission per las partidas de la Copa del monde de 2013 e pel projècte Super-XIII.
Demòra de passar del papièr e de las intencions a als realizacions!
Alan Roch
Per contra, a Vilanòva, Avinhon faguèt pas dins lo detalh per l’emportar aisidament: 36-12. Decembre començarà per una brava dimenjada en Elita.
Tre dissabte, los Dragonets reçaupràn a 5 oras del vèspre Limós sus la pelena de Sant Estève.
Dimenge, Lescura ensajarà de prene lo melhor sus Avinhon, alara que Pià e Tolosa se rescontraràn en Salanca.
E, en cap d’aficha, podètz anar al Molin de Lesinhan seguir lo derbi entre los Singlars de Corbièras del FCL e los Canaris de Carcassona.
Mas l’actualitat tretzsita es tanben la tenguda de la primièra sesilha del Comitat director novèl de la Federacion, recampat aqueste dissabte 24 a Lesinhan, dins un ambiant de trabalh e d’engatjament bèl. Lo president novèl Carlos Zalduendo tornèt afortir las prioritats de son equipa: lo desvelopament, lo naut-nivèl, la formacion e la sinergia entre ligas, comitats e clubs. L’acamp fixèt las responsabilitats de cadun e lo ròtle de las divèrsas commissions: règlamentacion, finanças, tecnica e formacion, arbitres e delegats, medicala, femininas, joves, divisions federalas, division nacionala, Liga Elita, Ligas e comitats, organizacion, XIII-fautuèlh, relacions amb lo mitan escolar e universitari, naut-nivèl, communicacion. Jaume Soppelsa (un ancian president, professor a la Sorbona) bailejarà lo Club XIII de França e lo president precedent Nicolau Larrat es encargat de mission per las partidas de la Copa del monde de 2013 e pel projècte Super-XIII.
Demòra de passar del papièr e de las intencions a als realizacions!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari