Actualitats
Comença lo Manifèst Occitanista amb una seguida d’acamps per bastir una plataforma electorala
Dobrir un procès de debat plural dins l’occitanisme per bastir una plataforma ampla que permete a l’occitanisme de far un saut qualitatitu electoral per las eleccions municipalas. Aquela es la tòca del nucli promotor del nomenat Manifèst Occitanista, que comencèt caminar fa un an impulsat pels conselhièrs regionals Dàvid Grosclaude e Guilhèm Latrubesse, e compta ja amb l’adesion de gaireben un centenat d’occitanistas.
Malgrat que lo Manifèst Occitanista es pas un programa politic, conten ben qualques proposicions politicas d’accion. Dins aquel sens, es clarament per la descentralizacion de l’Estat francés e per la concession d’autonomia a las regions per avançar cap a un modèl territorial federal. Dins aquela dralha, defendon la conversion del Senat francés en una vertadièra cambra de representacion territoriala, la supression dels departaments e la cession de mai de sobeiranetat a las institucions europèas. Al nivèl economic lo Manifèst Occitanista reclama un desvolopament economic equilibrat per acabar amb lo damnatge dels territòris occitans e l’emigracion dels lors joves. Per rapòrt a la lenga e la cultura occitanas, demandan la ratificacion de la Carta Europèa de las Lengas Regionalas o Minorizadas, la revision de la Constitucion francesa (mai que mai del sieu article segond) e dins un encastre legal que permeta lo desvolopament normal de totas las lengas de França. Malgrat aquela defensa de la lenga occitana, cal dire que tant lo manifèst coma lo demai dels tèxtes del web ont es plaçat òm los tròba sonque en francés.
L’objectiu dels promotors es començar ara un periòde dobèrt e public de reflexion per bastir una plataforma occitanista que se prepause una estrategia unitària en pensant a las eleccions municipalas de 2014. Segon lo lor vejaire, las eleccions localas son “una escasença per l’occitanisme de participar a la vida publica, a las decisions pertocantas lo nòstre territòri e la nòstra vida quotidiana”. L’idèa principala es la seguenta: s’agís pas de crear cap de partit politic, mas de garentir la maximala preséncia de candidats occitanistas (siá dins las listas electoralas pròprias o en coalicions mai amplas), que s’engatgen a impulsar los aisses del manifèst occitanista. De rebuc, se vòl crear un ret occitanista que lor sostenga pendent la lor accion politica.
La primièra amassada se farà a Pau lo 13 de decembre. Aquel acamp dobrirà un periòde d’amassadas per debatre lo manifèst. Aital, dins las setmanas a venir i aurà d’assembladas dobèrtas a Aush, a Narbona e en Albigés. Una de las amassadas que genèra mai d’expectativas es la que se debanarà lo 25 de febrièr a Tolosa e que se barrarà amb un concèrt. Los promotors d’aquela iniciativa son tanben dobèrts a recebre de peticions per presentar lo Manifèst Occitanista e lo sometre a debat e a discussion publica. Es per aquò que demandan a totes que los vòlgan aculhir una presentacion dins la lor vila que de los contactar per la programar.
Malgrat que lo Manifèst Occitanista es pas un programa politic, conten ben qualques proposicions politicas d’accion. Dins aquel sens, es clarament per la descentralizacion de l’Estat francés e per la concession d’autonomia a las regions per avançar cap a un modèl territorial federal. Dins aquela dralha, defendon la conversion del Senat francés en una vertadièra cambra de representacion territoriala, la supression dels departaments e la cession de mai de sobeiranetat a las institucions europèas. Al nivèl economic lo Manifèst Occitanista reclama un desvolopament economic equilibrat per acabar amb lo damnatge dels territòris occitans e l’emigracion dels lors joves. Per rapòrt a la lenga e la cultura occitanas, demandan la ratificacion de la Carta Europèa de las Lengas Regionalas o Minorizadas, la revision de la Constitucion francesa (mai que mai del sieu article segond) e dins un encastre legal que permeta lo desvolopament normal de totas las lengas de França. Malgrat aquela defensa de la lenga occitana, cal dire que tant lo manifèst coma lo demai dels tèxtes del web ont es plaçat òm los tròba sonque en francés.
L’objectiu dels promotors es començar ara un periòde dobèrt e public de reflexion per bastir una plataforma occitanista que se prepause una estrategia unitària en pensant a las eleccions municipalas de 2014. Segon lo lor vejaire, las eleccions localas son “una escasença per l’occitanisme de participar a la vida publica, a las decisions pertocantas lo nòstre territòri e la nòstra vida quotidiana”. L’idèa principala es la seguenta: s’agís pas de crear cap de partit politic, mas de garentir la maximala preséncia de candidats occitanistas (siá dins las listas electoralas pròprias o en coalicions mai amplas), que s’engatgen a impulsar los aisses del manifèst occitanista. De rebuc, se vòl crear un ret occitanista que lor sostenga pendent la lor accion politica.
La primièra amassada se farà a Pau lo 13 de decembre. Aquel acamp dobrirà un periòde d’amassadas per debatre lo manifèst. Aital, dins las setmanas a venir i aurà d’assembladas dobèrtas a Aush, a Narbona e en Albigés. Una de las amassadas que genèra mai d’expectativas es la que se debanarà lo 25 de febrièr a Tolosa e que se barrarà amb un concèrt. Los promotors d’aquela iniciativa son tanben dobèrts a recebre de peticions per presentar lo Manifèst Occitanista e lo sometre a debat e a discussion publica. Es per aquò que demandan a totes que los vòlgan aculhir una presentacion dins la lor vila que de los contactar per la programar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Dins aquela regien li son dos elegits dau Partit Occitan. Mentre que dins d'unei regiens n'i a gis ò n'i a qu'un. Seriá ben que se fague quauqua ren aquí. D'autant mai que lo Partit Occitan es aligat ambé lo president de la regien M. Vauzelle.
Autrament, de qu'es lo rapòrt entre aquèu Manifesta occitanista e l'apèl a la Refondacien de l’occitanisme (que lo monde s'en faguèt resson l'a quauquei mes, li aguèt una reünien per aquò dins la comuna de Barbaste) ?
"i aurà d’assembladas dobèrtas a Aush, a Narbona e en Albigés. Una de las amassadas que genèra mai d’expectativas es la que se debanarà lo 25 de febrièr a Tolosa e que se barrarà amb un concèrt. Los promotors d’aquela iniciativa son tanben dobèrts a recebre de peticions [...]. Es per aquò que demandan a totes que los vòlgan aculhir una presentacion dins la lor vila que de los contactar per la programar."
Es possible de far de presentaciens dins la regien Provença- Alps- Còsta d'Azur, au mens dins lei promiera e quatrena ciutats d'Occitània ? (Marselha e Niça/Nissa per aquelei qu'an un dobte).
E n'i auran de previstas dins lo nòrd d'Occitània ?
Francament, es temps d'en acabar ambe l'occitanisme a Papà, VVAP, Larzac e formatge de cabra... Ara, cal comprendre qu'Occitània es dintrada dins un moviment liberal e nacional, e que lo regionalisme es despassat. Es bravament temps que lo Pòc actualize son logicial. Aquò dich, sostendrai aquel manifèst, qu'a al mens lo meriti d'existir...
Las regions non significan res per Occitania. Son, coma los estats d'Africa, dessenhadas de mans colonialas e dividisson per regnar. Volèm un estat occitan, en trabalhant a l'abolicion del capital e dels estats.
Un manifèst "occitanista" aquò?
Se legís:
"Ces préoccupations sont sociales, économiques, écologiques et culturelles"
E çò politic, coma tèma independent de l'occitanisme ?
L'occitanisme seriá sonque un cachièr per un nivèl politic mai naut, la vertadièra politica, la que se fa a París ?
L'occitanisme seriá pas qu'un laboratòri d'idèas per la poltica francesa ?
Un manifèst òc que n'es un: es lo manifèst de la tebesor!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari