“Halha de Nadau, la tripa au pau, lo pòrc a la sau, garia au topin, coratge vesin!”
Tostemp de mòda, aqueth coplet tipic capvath Shalòssa uei lo dia. Qu’ei la canta pendent la pratica d’aqueth gran huec alucat a sococ lo ser de Nadau.
Qu’ei la continuitat d’un vielh rite agrari dedicat au só, au solstici d’ivern, medish se la data ei estada portada au ras de la Nativitat. Aquò rai; l’important es que, capvath los costalats d’aquest bòrd de Gasconha, hèra d’ostaus hasossin tostemp halha de Nadau en çò de son, en preludi a las autas praticas hestejairas.
Mantun borguet, mantua vila o vilòta de Lanas hèn tanben halha de Nadau. Atau, aquera tradicion seculària, rite profan, e vaduda ua hestòta publica, moment de convivéncia e de partatge entaus poblants.
Atau, a Sent Sever Cap de Gasconha, suu tuc de Morlana, los deu barri, dab l’ajuda deu comèrci et de la comuna convidan lo monde a víver la halha en tot gostar còcs et vin caud.
Ua coadòta de gascons, de l’Associacion culturau, s’i hèn a cantar quauques cantas tradicionaus gasconas. La banda musicau de l’endreth jogue tanben.
Deu goeitader de Morlana, en miran cap a bisa, se veden halhas alucadas dens la plana de l’Ador: atau a Senta Aulàsia, Aurici, Caunar, Maucòr de baish... vesedèrs quan la nueit damora pro clara plan segur.
En quauques ostaus, la gent hèn lo torn deu son endret un halhon en man per har húger lo meishant sòrt.
Se passejatz per rotas de Shalòssa, a sococ, lo ser de Nadau, ne siitz pas mei jamei estonats de tant de lusidas capvath camps e bordas. Cantatz solament: “Halha de Nadau, la tripa au pau, lo pòrc au salin, garia au topin, coratge vesin!”
Jean Claude Lagu
_____
NB: Ua pratica tanben plan viua en parçans biarnés e vasadés dab rituaus propis.
Tostemp de mòda, aqueth coplet tipic capvath Shalòssa uei lo dia. Qu’ei la canta pendent la pratica d’aqueth gran huec alucat a sococ lo ser de Nadau.
Qu’ei la continuitat d’un vielh rite agrari dedicat au só, au solstici d’ivern, medish se la data ei estada portada au ras de la Nativitat. Aquò rai; l’important es que, capvath los costalats d’aquest bòrd de Gasconha, hèra d’ostaus hasossin tostemp halha de Nadau en çò de son, en preludi a las autas praticas hestejairas.
Mantun borguet, mantua vila o vilòta de Lanas hèn tanben halha de Nadau. Atau, aquera tradicion seculària, rite profan, e vaduda ua hestòta publica, moment de convivéncia e de partatge entaus poblants.
Atau, a Sent Sever Cap de Gasconha, suu tuc de Morlana, los deu barri, dab l’ajuda deu comèrci et de la comuna convidan lo monde a víver la halha en tot gostar còcs et vin caud.
Ua coadòta de gascons, de l’Associacion culturau, s’i hèn a cantar quauques cantas tradicionaus gasconas. La banda musicau de l’endreth jogue tanben.
Deu goeitader de Morlana, en miran cap a bisa, se veden halhas alucadas dens la plana de l’Ador: atau a Senta Aulàsia, Aurici, Caunar, Maucòr de baish... vesedèrs quan la nueit damora pro clara plan segur.
En quauques ostaus, la gent hèn lo torn deu son endret un halhon en man per har húger lo meishant sòrt.
Se passejatz per rotas de Shalòssa, a sococ, lo ser de Nadau, ne siitz pas mei jamei estonats de tant de lusidas capvath camps e bordas. Cantatz solament: “Halha de Nadau, la tripa au pau, lo pòrc au salin, garia au topin, coratge vesin!”
Jean Claude Lagu
_____
NB: Ua pratica tanben plan viua en parçans biarnés e vasadés dab rituaus propis.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A la meva comarca, solem fer focs (falles d'hivern) la vespra de Sant Antoni
Ne pensi pas que la data deu rite pagan estoc portada au ras de la Nativitat, crès i qu'ei justament lo contrari. Lo rite deu solstici d'ivèrn existís despuish bèra pausa, abans lo crestianisme, la data de la naishença de Jèsus estoc desplaçada d'octobre a deceme entà correpsóner a d aquestas hèstas de las granas.
A jo, la halhada de Nadau que'm hè pensar dab nostàlgia a la maiada, que lèu posqui vier!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari