Actualitats
Lo Conselh Constitucional francés a anullat la taxa de 75% a las grandas fortunas
Considèra qu’aquela taxa per las rendas superioras al milion d’èuros viòla “lo principi d’egalitat en las cargas publicas”
Lo Conselh Constitucional francés a anullat la taxa de 75% que lo president, François Hollande, vòl impausar als qu’intren mai d’un milion d’èuros per an. Considèra que lo projècte de lei de las finanças de 2013 viòla amb aquela disposicion “lo principi d’egalitat en las cargas publicas”. Es aital qu’a invalidada aquela mesura, la mai emblematica e controvertida del projècte de lei que s’aprovèt lo 20 de decembre passat.
L’impòst s’aplica per individú, e non pas per unitat familiala. Aital una familha que totes sos membres ganhen 900 000 èuros demorariá exonarada d’aquela taxa. Mas un individú qu’aja una renda de mai d’un milion d’èuros deuriá tributar 75%.
Una de las principalas promessas electoralas de François Hollande èra d’aviar una reforma fiscala qu’impliquèsse l’aumentacion d’impòstes a las rendas mai nautas. En mai d’aquel polemic 75%, lo programa fiscal d’Hollande prevei l’intratge d’un nòu tròç de 45% per las rendas superioras a 150 000 èuros per an, çò qu’es ben estat considerat constitucional.
Es a causa de la volontat d’aplicar la taxa de 75% que l’actor Gérard Depardieu renoncièt al passapòrt francés e que se n’anèt demorar en Valonia.
L’impòst s’aplica per individú, e non pas per unitat familiala. Aital una familha que totes sos membres ganhen 900 000 èuros demorariá exonarada d’aquela taxa. Mas un individú qu’aja una renda de mai d’un milion d’èuros deuriá tributar 75%.
Una de las principalas promessas electoralas de François Hollande èra d’aviar una reforma fiscala qu’impliquèsse l’aumentacion d’impòstes a las rendas mai nautas. En mai d’aquel polemic 75%, lo programa fiscal d’Hollande prevei l’intratge d’un nòu tròç de 45% per las rendas superioras a 150 000 èuros per an, çò qu’es ben estat considerat constitucional.
Es a causa de la volontat d’aplicar la taxa de 75% que l’actor Gérard Depardieu renoncièt al passapòrt francés e que se n’anèt demorar en Valonia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3
Per vos esclairar, vesi pas cap de motiu de positivacion en l'estat francés per çò que tòca a la matèria occitana.
Perqué volètz èsser constructiu amb un estat destructiu ?
Faidit, vòstra postura, per tant respectabla que siá, es tot lo temps negativa. Se vos plai, aportatz-nos de comentaris constructius, que soi segur qu'avètz un vejaire esclairat sul fons de l'afar...
Pròva subretot l'amatorisme del govèrn ... Cossí se poguèron pas mainar qu'aquel biais de far passava l'òsca ? Cossí impausar aquela taxa per exemple a un cap de familha que ganha quicòm coma 900 000 euros (quand trabalha pas la femna mas çò qu'empacha pas a l'òme d'èsser impausable ça que la) mentre qu'es pas impausable un coble amb un òme que ganha per exemple 800 000 euros e la femna 500 000 euros ? Cal far del piòt per véser pas l'injutícia dins aquela causida. Solide qu'anava dire de non lo Conselh Constitucional !!
D'abòrd, lo Conselh Constitucional coma totas las autras institucions de l'estat francés en Occitània son institucions d'ocupacion e son doncas illegalas.
Aprèp, aquesta nòva es escellenta: benlèu permetrà de far comprendre a totes los angelistas del planèta Occitanie que i a pas res a esperar d'un sistèma estatal francés que siá de drecha o d'esquèrra.
Ara que dirà lo conselh constitucional de la "ratificacion" de la carta per las lengas? Non, de segur! Lo jutjament es conegut per abança!
E tota aquela còla d'occitanistas afiliats al PS-EELV de qué nos diràn alavètz? Pas res, coma a l'acostumada...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari