Bandièra01 1180x150: Comuna de Tolosa

Actualitats

David Cameron a promés un referendum per que los britanics decidiscan se vòlon demorar en l’UE o ne sortir

David Cameron
David Cameron | www.davidicke.com

Lo primièr ministre britanic, David Cameron, a anonciat la convenença de far un referendum sus la relacion d’Euròpa amb lo Reialme Unit, que se debanarà entre 2015 e 2017. “Lo Reialme Unit es pas isolacionista, aperten a Euròpa, e volèm que contunhe dins l’Union Europèa, mas ne volèm melhorar tanben las condicions”, çò afirmèt lo primièr ministre, que faguèt un discors basat sul besonh de cambiar las relacions entre lo Reialme Unit e l’UE.


Pendent un discors prononciat dins lo sèti europèu de Bloomberg, al centre de Londres, Cameron soslinhèt que, se ganha las eleccions de 2015, convocarà un referendum per demandar als ciutadans se vòlon contunhar dins l’Union Europèa: “Es ora que los britanics se pronóncien, es ora que resolgam aquela question del Reialme Unit e d’Euròpa. Disi als britanics qu’aquò serà la vòstra decision”.
 
Cameron, que se definís coma “eurosceptic pragmatic”, diguèt qu’Euròpa non deu considerar los cambiaments necessaris coma una eretgia. Dins aquel encastre, lo Reialme Unit vòl contunhar dins l’UE, mas coma un sòci actiu, engatjat e competitiu.
 
Los principals partits de l’oposicion e los conservators europeïstas an avertit del perilh de sortir de l’UE, pr’amor que creson qu’aquò pòt crear d’incertitud e alonhar los investiments estrangièrs.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

De Gaulle, que los coneissiá plan, ne voliá pas dels angleses. Sabiá que serián lo caval de Tròia dins Euròpa. Dempuèi la debuta nos fan la dansa e la contradansa. Que se n'anguen e que demòren, o dintren, los escoceses!

  • 2
  • 0

Escriu un comentari sus aqueste article