Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPaís de Juranson

An deslotjat lo Nid Biarnés

Qualques 50 policièrs son venguts expulsar un desenat d’esqüataires a la demanda de la Crotz Roja francesa, proprietària de la bastissa

| Lo Nid Biarnés

Tèxte legit

Segon çò que raportava La Setmana dins son edicion numerica de ièr, lo Nid Biarnés, l’esqüat de Juranson, foguèt deslotjat ièr. Un cinquantenat de policièrs venguèron fòrabandir lo desenat d’estatjants a 7h30 del matin.
 
L’accès al luòc foguèt refusat als jornalistas de La Setmana, mas encontrèron lo mond expulsats, un desenat d’esqüataires que se tròban ara sens possibilitat de lotjament al mitan de l’ivèrn.
 
Lo Nid Biarnés es un ancian espital abandonat e una proprietat de la Crotz Roja francesa a Juranson (Bearn), qu’un grop d’esqüataires l’ocupèron per i bastir un espaci de creativitat, un albergament d’urgéncia e un luòc autogerit ont se pòt aprene de conviure dins un esperit de tolerància.
 
Es per aquò que l’endrech prepausèt d’espectacles, de concèrts, de projeccions, de repaisses collectius e d’autras activitats que l’occitan i aviá sa plaça.
 
Ça que la, de dirigents de la Crotz Roja francesa, proprietaris de l’endrech, an fach prevaler lo drech a la proprietat sul drech a l’abitatge, e ne demandèron l’expulsion immediata en plen ivèrn.
 
La còla de jornalistas de La Setmana a tanben entrevistat Clem e Nat, doas esqüatairas del Nid Biarnés, que contan lor expulsion. O podètz escotar sus l’àudio çai jonch.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article