Bandièra01 1180x150: Comuna de Tolosa

Actualitats

Lo Vatican a enebit l’usatge de Twitter als cardinals pendent lo conclau

Nòu cardinals dels cent dètz e sèt cridats a elegir lo nòu papa son fòrça actius sul ret social e quatre son de papables

Lo conclau, la reünion qu’elegirà lo nòu papa, se fa jos un secret estricte. Per aquò, segon Catholic News Service, los cardinals que i participan poiràn pas emplegar Twitter. Los prelats auràn d’intrar dins la sala del conclau sens cap d’aparelh que lor permeta de se connectar amb l’exterior. Es una mesura adreiçada mai que mai a de nòus cardinals fòrça populars sul malhum, dont quatre, en mai d’aquò, son dins la lista dels papables: lo de Nòva York (@CardinalDolan amb 80 000 seguidors), lo de São Paulo (@DomOdiloScherer amb 22 000), lo de Milan (@angeloscola, amb 16 000) e lo president del Collègi Pontifical de la Cultura (@CardRavasi, amb 35 000).
 
Recentament, lo papa Beneset XVI intrèt dins Twitter amb un compte oficial pròpri, @Pontifex, qu’a ja mai d’un milion e mièg de seguidors en anglés, 20 000 en latin, 56 000 en alemand, 690 000 en espanhòl, 84 000 en portugués, 34 000 en polonés, 328 000 en italian, 68 000 en francés e 21 000 en arabi.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article