Bandièra01 1180x150: Comuna de Tolosa

Actualitats

Hugo Chávez es mòrt

Lo president de Veneçuèla, Hugo Chávez, es mòrt. O anoncièt ièr de ser (ora occitana) lo vicepresident, Nicolás Maduro, qu’aviá acusat abans los Estats Units d’una conspiracion e d’aver causat lo càncer qu’a acabat la vida de Chávez.
 
Maduro aviá acusat “l’enemic”, en se referissent implicitament als Estats Units, del pejorament de la santat de Chávez, que foguèt operat l’11 de decembre en Cuba e que, dempuèi qualques setmanas, patissiá una insufisença respiratòria. Maduro demandèt de far un examen sus aquel afar e parlèt d’una conspiracion qu’auriá causada la malautiá de Chávez. Maduro comparèt aquela malautiá de Chávez amb la que patiguèt lo president palestinian, Yasir Arafat, que poiriá èsser mòrt d’empoisonament.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Drèa Val d'Estura
14.

#13 Aquel ela es un el derant de tot. Ai legiut Marx de l'etat de 14 ans fin a eira e sabo çò que diu. Se vosautres avetz ren lo coratge de vos prener las responsabilitats de lo moviment comunista sietz vosautres que avetz de problema. Iu personalment ai fach patz eme lo passat au contrari de tanti de vos qu'encara veun Marx coma la Bibla, çò qu'a dich el es just tot lo rest es un engan! Per chansa en Russia son pas coma vos e pas per d'autre qu'an un partit que pren mai o mens 30% a las elecions!

  • 1
  • 0
Noreg Norvègia
13.

#12 En tot cas, Lutz, ela, a pas jamai legit Marx. E donc ditz d'enormitats.

  • 5
  • 0
Lutz
12.

#7 «i a sonque un sol Marx, que voliá veire lo pòble abolir lo salariat e e l'estat»

Alavetz los marxistas an pas degut legir Marx… domatge. Foguès lo cas, serián pas a esperar de l'estat… lor salari ! :D

  • 1
  • 7
Robèrt Lauregués
11.

LI dison dictator, mas s'agís d'un tipe qu'a ganhat per larga majoritat las eleccions dempuèi 1999, e al delà a demandat lo pòble s'èran d'acòrdi amb lo regime politic.

  • 3
  • 0
PESSAMESSA Pèire sivergues Vauclusa
10.

lo paure pessamessa se laissa anar de comentàris lapidàris, la formula choc que fau puèi interpretar, lo dou, la fervor popuplària , aquo, si que se pot comparar, qu'ai viscut l'istèria à Moscou (un milier de morts dins lei bosculadas). mai stalin se pot comparar ambé Hitler e Mao Tse Tung e non pas amb Chavez, que fai d'annadas que lo vèsi e l'entendi sus Telesur, un ome simpatic, un orator qu'enfuoca sei paraulas e qu'empura l'entosiasme revolucionàri e bolivarian, l'aliança dau sabre e dau gopilhon, qu'es un ome cresènt e pios qu'esita pas a brandir lo crucifis e à s'adreiçar à Jesus , militàri dins l'anma, qiu' a fach un cop d'estat, un personatge que m'agrada, en estènt qu'es pas estat un dictator, mai puslèu un autocrate, mai empacha pas qu'es pas un modèla de democrata, que crenhe pas de s'emparar de televions de radio pèr enmorralhar l'oposicion e redurre la libertat d'expression ,qu'a pougut menar una politica d'ajuda a Cuba e a d'auttrei païs, qu'a c reat d'escolas onte leis enfants son noirits en même temps qu'escolarizar e aquo ,li falià pensar dins un pais que força meina patissiàn de la fam, anticapitalista de segur e que sa politica, nonobstant son carisme e lei plors dau poble, menarà lo Venezuela au desastre amb una inflacion de 30%, una criminalitat galopanta, una corrupcion de fonccionari trop nombros, l'industria petroliera estancada, qu'a garçat defora totei lei tecnicians estrangiers e res per lei remplaçar, dins lei pais d'America latina, preferi de luenh lo Brasil, la Colombia e l'Argentina qu'amb lo capitalisme tant atacat per Chavez an fach progressar lo PNB , creat de richessas e sortit lo poble de la pauretat

  • 5
  • 1

Escriu un comentari sus aqueste article