Lei zònas francas urbanas (ZFU) foguèron creadas en 1996 per Joan-Claudi Gaudin, ministre de la Vila de l’epòca e actuau cònsol de Marselha. Encuei lei doas implantacions nomenadas “Nòrd Litorau” e “14n-15n Sud” an permés la creacion de 22 387 emplecs, 1782 recrutaments dins lei dos ans passats e l’implantacion de 5753 establiments. Acòrdan d’exoneracions en matèria de fiscalitat e d’escotissons sociaus ais entrepresas que s’installan dins lei quartiers que son considerats en dificultats economicas e socialas. Ansin s’es pogut crear de pòls d’excelléncia coma la Ciutat de la Cosmetica.
Enric Jibrayel, deputat PS de la 7a circonscripcion dau departament dei Bocas dau Ròse, vicepresident de la Comission deis Afars Economics a l’Assemblada Nacionala e vicepresident dau grop socialista a l’Assemblada Nacionala, es lo raportaire de la mission d’avaloracion dei zònas francas urbanas. Lo bilanç positiu fa qu’amb un grop de responsables economics e politics, atrai l’atencion sus lo necessari manten —après l’annada 2014— dau dispositiu destinat a afavorir la creacion d’entrepresas dins lei quartiers marselhés economicament sinistrats.
“Lei zònas francas an permés a Marselha de tornar trobar lo Nòrd”, declarèt Eugèni Caselli, president PS de la comunautat urbana que pèrd pas lo Sud.
D’un autre costat, per lo manca de plaça disponibla per l’installacion de novèleis entrepresas, se pensa parier d’estendre ò desplaçar l’airau dei ZFS, coma dins la valada de Vèuna, a l’èst de l’aglomeracion Marselha Provença Metropòli.
Valèria Boyer, deputada UMP ajoncha au cònsol de Marselha, evòca egalament la disparitat e l’esparpalh dins la primiera ciutat d’Occitània dei zònas e dei contractes ZFU, ZUS, CUCS, ZUP, ZSP e autres.
L’estat trantalha sus l’eventualitat de prolongar mai lo dispositiu dei ZFU. Aqueu dispositiu còsta cada an entre 400 e 500 milions d’èuros.
LR
Enric Jibrayel, deputat PS de la 7a circonscripcion dau departament dei Bocas dau Ròse, vicepresident de la Comission deis Afars Economics a l’Assemblada Nacionala e vicepresident dau grop socialista a l’Assemblada Nacionala, es lo raportaire de la mission d’avaloracion dei zònas francas urbanas. Lo bilanç positiu fa qu’amb un grop de responsables economics e politics, atrai l’atencion sus lo necessari manten —après l’annada 2014— dau dispositiu destinat a afavorir la creacion d’entrepresas dins lei quartiers marselhés economicament sinistrats.
“Lei zònas francas an permés a Marselha de tornar trobar lo Nòrd”, declarèt Eugèni Caselli, president PS de la comunautat urbana que pèrd pas lo Sud.
D’un autre costat, per lo manca de plaça disponibla per l’installacion de novèleis entrepresas, se pensa parier d’estendre ò desplaçar l’airau dei ZFS, coma dins la valada de Vèuna, a l’èst de l’aglomeracion Marselha Provença Metropòli.
Valèria Boyer, deputada UMP ajoncha au cònsol de Marselha, evòca egalament la disparitat e l’esparpalh dins la primiera ciutat d’Occitània dei zònas e dei contractes ZFU, ZUS, CUCS, ZUP, ZSP e autres.
L’estat trantalha sus l’eventualitat de prolongar mai lo dispositiu dei ZFU. Aqueu dispositiu còsta cada an entre 400 e 500 milions d’èuros.
LR
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari