Actualitats
Omenatge a Tolosa a las victimas de Merah
Hollande defend a Tolosa la lucha contra lo “terrorisme” dins l’omenatge
Aperaquí 1500 personas marchèron ièr per las carrièras de Tolosa en una ceremònia en memòria de las victimas de Mohamed Merah, que tuèt fa un an tres militars e quatre personas d’una escòla josieva de la Ciutat Mondina.
Los actes comptèron amb la preséncia del president de França, François Hollande. Lo cap d’Estat defendèt la lucha contra lo “terrorisme”, que segon el “supausa pas cap de trèva, cap d’afebliment, cap de negligéncia”.
Merah reconeguèt aver aucit a sang pausat tres paracasudistas, un a Tolosa e dos a Montalban, e après quatre personas —dont tres enfants— a la pòrta d’una escòla josieva, per “punir França pel sieu engatjament dins la guèrra en Afganistan e venjar los enfants palestinians”. Tolosa e Montalban avián ja aculhit la setmana passada d’omenatges als militars mòrts.
Hollande prometèt tanben a las familhas de las victimas que recebrián de responsas sus las questions que demòran sens esclarziment en la recèrca.
“Se poiriá èsser evitada aquesta tragèdia? Merah agiguèt tot sol, èra membre d’un ret mai larg?”, çò demandèt lo cap de l’Estat francés, en remembrant que la justícia es a ensajar de respondre a las questions “legitimament pausadas” après aqueles assassinats.
Mohamed Merah, que se desplaçava en motocicleta, reconeguèt aver tuat lo paracasudista Imad Ibn Ziaten, l’11 de març 2012 a Tolosa, los paracasudistas Abel Chennouf e Mohamed Legouad, lo 15 de març 2012 a Montalban, Myriam Monsonego, de 8 ans, Gabriel e Arieh Sandler, de 4 e 5 ans, e lor paire Jonathan, lo 19 de març davant l’escòla josieva Ozar Hatorah de Tolosa.
Merah, un ciutadan francés d’origina argeriana de 23 ans, foguèt fusilhat e matat per una fòrça d’elèit de la polícia francesa dins son apartament de Tolosa, après 32 oras de sètge.
Lucha contra lo “terrorisme”
Dins lo sens de la “lucha contra lo terrorisme”, l’11 de març passat, dos joves de 18 e 20 ans foguèron arrestats, qualificats de “potencialament perilhoses”, a Marinhana (País Marselhés). Segon la polícia, èran “prèstes a passar a l’accion” e “a fabricar d’explosius”.
Los actes comptèron amb la preséncia del president de França, François Hollande. Lo cap d’Estat defendèt la lucha contra lo “terrorisme”, que segon el “supausa pas cap de trèva, cap d’afebliment, cap de negligéncia”.
Merah reconeguèt aver aucit a sang pausat tres paracasudistas, un a Tolosa e dos a Montalban, e après quatre personas —dont tres enfants— a la pòrta d’una escòla josieva, per “punir França pel sieu engatjament dins la guèrra en Afganistan e venjar los enfants palestinians”. Tolosa e Montalban avián ja aculhit la setmana passada d’omenatges als militars mòrts.
Hollande prometèt tanben a las familhas de las victimas que recebrián de responsas sus las questions que demòran sens esclarziment en la recèrca.
“Se poiriá èsser evitada aquesta tragèdia? Merah agiguèt tot sol, èra membre d’un ret mai larg?”, çò demandèt lo cap de l’Estat francés, en remembrant que la justícia es a ensajar de respondre a las questions “legitimament pausadas” après aqueles assassinats.
Mohamed Merah, que se desplaçava en motocicleta, reconeguèt aver tuat lo paracasudista Imad Ibn Ziaten, l’11 de març 2012 a Tolosa, los paracasudistas Abel Chennouf e Mohamed Legouad, lo 15 de març 2012 a Montalban, Myriam Monsonego, de 8 ans, Gabriel e Arieh Sandler, de 4 e 5 ans, e lor paire Jonathan, lo 19 de març davant l’escòla josieva Ozar Hatorah de Tolosa.
Merah, un ciutadan francés d’origina argeriana de 23 ans, foguèt fusilhat e matat per una fòrça d’elèit de la polícia francesa dins son apartament de Tolosa, après 32 oras de sètge.
Lucha contra lo “terrorisme”
Dins lo sens de la “lucha contra lo terrorisme”, l’11 de març passat, dos joves de 18 e 20 ans foguèron arrestats, qualificats de “potencialament perilhoses”, a Marinhana (País Marselhés). Segon la polícia, èran “prèstes a passar a l’accion” e “a fabricar d’explosius”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot que put dins aqueste afar
I a quicòm que truca tanben dins aquel afar al sicut dels servicis de polícia ... Mai que mai entre los de París e los de Tolosa: cossí se fa que los servicis parisencs agèsson pas pres al seriós las informacions dels collègas de Tolosa a prepaus de Merah (abans que passèsse a l'accion) ? O sabián pr'aquò ... Aquò's l'Estat francés lo responsable màger d'aquel malastre !
N'ei pas vertat que Merah "reconeguèt" qué que sia. Lo sol element qui hasca pensar aquò ei l'enregistrament balhat per la DCRI a la cadena M6. Ei lo purmèr còp dens l'istòria qu'un indici d'ua enquèsta de caractère terrosiste ei transmés a la premsa. Mès cau saber qu'aqueste enregistrament estó realizat (segon la DCRI) sus un IPhone personau d'un policièr (!), e quan la Polícia Scientifica demandè le telefòne, recebó un IPhone ... vueit, mès après un CD-rom dab la votz (Article Paris-Match).
Shens aqueste element d'enregistrament, n'i a pas arren tà díser que MM reconeishó las accions on, segon los testimònis, lo tuaire èra de grandor mejana e pro grassòt.
La quita version oficiau, la deu Guéant, a traucs deus beròis shens d'explics, com per exemple la passejada deu MM lavetz que son ostau ei entornajat de policièrs.
O que lo capdau de l'antiterrorisme tolosenc n'aja pas lo dret de véser las vidèos de Montauban lavetz que monde associatiu vedón las de Tolosa, etc etc ... N'i a un pialat atau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari